1. Фаннинг ҳалқ хўжалигидаги ўрни ва ўрганиш соҳалари. Фаннинг мақсади, вазифалари ва структураси

Фаннинг мақсади– деталлар ва йиғиш бирликларининг ейилиши ҳамда бошқа асосий шикастланиш сабабларини ойдинлаштириш, машина деталларининг эҳтимоли бор нуқсонлари, уларни топиш ва бартараф этиш усуллари ҳақида асосий маълумотлар бериш, тикланадиган детал ва узелларнинг чидамлилигини ҳамда ишончлилигини ошириш тадбирларини яратиш, талабаларга машиналар таъмирининг илғор технологиялари ва усулларини, таъмирлаш-технологик ускуналарини билиб олишларида ёрдам бериш, шунингдек, таъмирлаш ишларини ташкил этиш ва унинг иқтисодий асослари билан таништиришдан иборат.
Фаннинг асосий вазифаси бўлғуси мутахассисларга таъмирлаш ва техник хизмат кўрсатиш тадбирларини ўтказиш билан қишлоқ хўжалик машина-трактор паркини ишга яроқли ҳолда тутиш йўлларини ўргатади. Шунингдек, таъмирлаш -хизмат кўрсатиш корхоналари ишини ташкиллаштириш, режалаш ва лойиҳалаш асосларини ҳам ўргатади.
Шу боис дехкончилик саноати бакалавр мутахассислари чуқур касб тайёргарлигига эга бўлибгина колмай, балки шу йўналишда илмий тадқиқот ишларида ҳам муайан кўникмаларига эга бўлиш лозим. Талабалар қишлоқ хўжалик техникаси ва ускуналарининг ишлаш қобилияти ҳамда ресурсларини энг самарали усуллари билан тутиб туриш ва тиклашга доир билимлар ҳамда кўникмаларни эгаллаши зарур.
Машиналарни пухталигини ошириш ҳозирги куннинг энг асосий-иқтисодий ва сиёсий масалаларидан бири бўлиб турибди.
Ишлаб чиқаришни интенсив ривожлантириш учун уни фақат машиналаштириш йўли билан амалга ошириш мумкин. Лекин ишлаб чиқаришдаги машиналар хозирги талабга жавоб бермайди. Заводдан қандай пухта, пишиқ машина ишлаб чиқармасин нотўғри эксплуатация қилиш натижасида қисмлари тезда ишдан чиқиши мумкин. Шунинг учун ҳар бир мухандислар машиналарни ишончлилигини ва таъмирлаш асосларини яхши билиши керак.
«Машиналар ишончлилиги ва таъмирлаш » фанини ўрганиш учун аниқ, умумий муҳандислик ва мутахассислик фанларини (олий математика, физика, кимиё, материалшунослик, материаллар қаршилиги, ўзароалмашувчанлик, трактор ва автомобиллар, машина- трактор паркидан фойдаланиш, қишлоқ хўжалик ва мелиоратив машиналари, чорвачиликни механизациялаш, қишлоқ хўжалик иқтисодиёти ва бошқаларни) ҳам яхши билиш талаб қилинади.
Агросаноат мажмуининг (АСМ) ҳозирги ҳолати ва фаннинг ривожланиш истиқболлари
Республикамиз халқ хўжалигини ривожланиши, унинг иқтисодий қудратини мустахкамлаш энг муҳим соха – қишлоқ хўжалигини такомиллаштиришни тақазо этади. Аҳолини озиқ-овқат маҳсулотларига ва мамлакатимизнинг қишлоқ хўжалиги хом ашёсига бўлган ўсиб бораётган талабларни қишлоқ хўжалигининг моддий-техникавий базасини мутассил мустахкамлаш, ишлаб чиқариш процессларини механизациялаштириш, машина-трактор паркини ўстириш ва такомиллаштириш натижасида қондирилиши мумкин.








Машиналарни таъмирлашга, техник хизмат кўрсатиш ва сақлашга қилинадиган харажатлар ҳозирча уларнинг бошланғич нархидан анча ортиқ. Бинобарин, ишончлилик муаммосини ҳал қилиш катта маблағларни тежаш имконини беради.