1. Фанга доир умумий тушунчалар, фаннинг мақсади ва вазифалари; Метрологиянинг ривожланиш тарихи, мақсад ва вазифалари; Асосий атама ва таърифлар

Люминесцент усули
Люминесцент усули билан озиқ – овқат маҳсулотлари таркибидаги оқсил, ёғ, витаминларнинг миқдорини, балиқ ва гўшт махсулотларининг бузилган ёки бузилмаганлигини, сабзавотларнинг касалланганлигини аниқлаш мумкин. Бу усул кўпчилик моддалар УБ (ультрабинафша) нурлари билан ёритилганда ўзларидан қоронғуда кўринадиган ва ҳар хил рангдор тусга эга бўлган нур чиқаришга асосланган.
Микроскопия усули
Микроскопия усули озиқ-овқат тўқималарини, крахмал турини аниқлашда, маҳсулотларда микроорганизмларни борлигини билишда кенг ишлатилади.
Шунингдек табиий ва кимёвий толалар тузилишини, толаларнинг узунасига ва кўндаланг кесимларини таҳлил қилишда фойдаланилади.
Атом – абсорбцион анализ
Бу анализ қўзғатилмаган эркин атомларнинг оптик оралиқдаги нурланишини ютишига асосланган. Атом – абсорбцион таҳлил учун текшириладиган модда бирор атомизаторда атомар газ ҳолатига келтирилади ва шу атомар газга аниқланадиган элементга хос бўлган нурланиш махсус лампадан юборилади. Шу атомар газ қатламида махсус лампадан тушган нурнинг бир қисми ютилади. Шу ютилиш миқдорий аниқлашлар учун асосий катталик сифатида қўлланилади.
Атом – абсорбцион анализда атомизаторлар текшириладиган намунадаги моддани фақат атомар газ ҳолатига ўтказиш керак. Атом – абсорбцион анализ усулида атомлаш манбаи сифатида аланга ҳам ишлатилади. Бу горелка учун ёнилғи сифатида газ – ҳаво, ацетилен – ҳаво ва ацетилен – NO ишлатилади. Аланга атомизаторлари бир хил режимда ишлайди, лекин уларнинг атомлаш даражаси юқори эмас. Шунинг учун ҳам кўпинча электротермик атомизаторлардан фойдаланилади. Электрон – термик атомизатор графитдан ясалган кичик найдан иборат бўлиб, у катта кучга эга бўлган ток билан қиздирилади. Унинг юқори қисмидаги тешикдан намуна эритмаси шприц ёрдамида киритилади. Бу атомизатор ёрдамида қаттиқ моддаларни ҳам анализ қилиш мумкин. Графитни тез ёниб кетмаслигини таъминлаш учун у аргон атмосферасида жойлаштирилади. Электротермик атомизаторларнинг атомлаш қобилияти ва сезувчанлиги юқори. Анализ учун олинадиган намунанинг миқдори кўп бўлиши талаб этилмайди.