1-dars. Python’ni o’rnatish

print(storedlist)

Natija:
$ python pickling.py
[‘olma’, ‘mango’, ‘sabzi’]
Bu qanday ishlaydi:
Obyektni faylga yozish uchun birinchi galda faylni binar yozish (“wb”) rejimida ochib olishimiz kerak, so’ng pickle modulining dump funksiyasini chaqiramiz. Bu jarayon “konservatsiya” (“pickling”) deyiladi.
Shundan so’ng obyektni fayldan o’qib olish uchun pickle modulining load funksiyasidan foydalanamiz.
Istisnolar (Exceptions)
Ba’zan dastur ishlashi davomida istisno holatlar yuzaga kelishi mumkin. Misol uchun, mavjud bo’lmagan faylni o’qishga bo’lgan harakat yoki dasturdagi no’malum buyruqlar. Bunday holatlar exception’lar yordamida hal qilinadi.
Xatoliklar
Agar biz print funksiyasini Print shaklida chaqiradigan bo’lsak, python interpretatori bizga sintaksis xatolikni ko’rsatadi.
>>> Print(“Salom dunyo”)
Traceback (most recent call last):
File “”, line 1, in
NameError: name ‘Print’ is not defined
>>> print(“Salom dunyo”)
Salom dunyo
E’tibor bergan bo’lsangiz, NameError xatoligi chiqarildi hamda qayerda shu xatolik qayd qilingani ham ko’rsatildi. Bu holda xatoliklarni qayta ishlovchisi harakatga tushadi.
Exception’lar
Foydalanuvchidan nimadir kiritishini so’raymiz, so’ngra Ctrl + d tugmalarini bosamiz va nima bo’lishini kuzatamiz.
>>> s = input(“Nimadir kiriting –> “)
Nimadir kiriting –> Traceback (most recent call last):
File “”, line 1, in
EOFError
Python EOFError nomli xatolikni chiqardi. Bu xatolik kutilmagan joyda (Ctrl + d tugmalari yordamida kiritiladigan) fayl oxiri (end of file) belgisi qayd qilinganini bildiradi.
Exception – istisnolarni qayta ishlash
Exception’larni try . . except operatori yordamida qayta ishlash mumkin. Bunda hamma odatiy buyruqlar try blokiga joylashtiriladi, istisnolarni qayta ishlovchilari esa except blokiga joylashtiriladi.