1-dars. Mavzu: O'zbekistonda davlat tili va boshqa tillarning rivoji

Fe'llarning tuzilishiga ko'ra turlari

Sodda fe'llar	Qo'shma fe'llar	Juft fe'llar
bormoq kelmoq o 'qimoq	olib kelmoq sotib olmoq ko 'mak bermoq	ketdi-qoldi oldi-qo ydi
Sodda fe'llar
turi	tarkibi	misollar
sodda tub fe'llar	asos	bormoq, kelmoq, yurmoq, chizmoq
sodda yasama fe'llar	asos+so'z yasovchi qo'shimcha	ishla, angla, tuna, qoray

O'qituvchi ko'rgazma asosida o'quvchilarning javoblarini quyidagicha to'ldiradi va umumlashtiradi: Fe'llar tuzilishiga ko'ra uch xil bo'ladi:

1) sodda fe'llar; 2) qo'shma fe'llar; 3) juft fe'llar.

Sodda fe'llar bir asosdan tarkib topadi. Sodda tub fe'llar asos holatida ish-harakat va holatni anglatadi: qurmoq, bormoq, o'qimoq, ketmoq kabi.

Sodda yasama fe'llar so'z yasovchi qo'shimchalar vositasida boshqa so'z turkumlaridan yasaladi: shod-shodlanmoq, yangi-yangilamoq, ish-ishlamoq, gap-gapirmoq, guv-guvillamoq kabi.

So'ng o'qituvchi o'quvchilarga 197-mashqda Alisher Navoiyning "Sher va Durroj" hikoyatidan berilgan parchani ifodali o'qitadi. Matn asosida yolg'onchilikning yomon oqibatlarini tushuntiradi, inson rostgo'y bo'lishi lozimligini uqtiradi hamda sinf o'quvchilarini "Topqirlar" va "Zukkolar" kabi ikki guruhga bo'lib, birinchi guruhga matndagi sodda tub fe'llarni, ikkinchi guruhga sodda yasama fe'llarni topishni topshiradi.

Namuna: