1-dars “Davlat tilida ish yuritish” faniga kirish. O‘zbek tili-Davlat tili. “O‘zbek yozuvlari tarixidan” matni

1-DARS
“Davlat tilida ish yuritish” faniga kirish. O‘zbek tili-Davlat tili. “O‘zbek yozuvlari tarixidan” matni
REJA:
1“Davlat tilida ish yuritish” faniga kirish.
2. O‘zbek tili-Davlat tili
3.O‘zbek yozuvlari tarixidan.


Tayanch so‘zlar: Mustaqillik, Vatan, yurt, g‘urur, bayram, orzu, davlat,inson, hamkorlik, aloqalar, munosabat, yuksalish,taraqqiyot, tinchlik, totuvlik Lоtin yozuvi,yangi аlifbо, mumtоz аdаbiyot, yangi dаvr, mustаqillik,turkiy til, til tarixi, leksik qatlam, til tarixi, ta’rifi, atama va termin, tarixiylik, atamalar shakllanishining xalq tarixi bilan bog’liqligi, “Devonu lug’otit-turk”, sohaviylik, tor doira, jamiyat taraqqiyoti, atamalar va dunyo tillari, boyish yo’llari, o’zlashtirish, milliylashtirish, jadidlar, “Davlat tili haqida”gi Qonun qabul qilinadigan keyingi o’zgarishlar, dubletlar, paralellar, o’rin egallash, xalqaro atamalar, vaqt sinovi, vaziyat, so’z valentligi va atama yasalishi, me’yor. Kasb-hunar atamalari,gilamchilik, kashtachilik, to’qimachilik, me’morchilik leksikasi, sohaviy me’yorlashgan atamalar, determinatsiya.
Mavzuning qisqacha bayoni
Ushbu fan talabalarni mamlakatimiz ijtimoiy hayotining barcha sohalarida davlat tilining imkoniyatlaridan to‘liq va to‘g‘ri foydalanishga oid masalalar, Davlat tili haqidagi hujjatlar va ularning mazmun mohiyati; o‘zbek adabiy tili me’yorlari, sohalarda rasmiy-idoraviy ish hujjatlarining yuritilishi, ularning turlari masalalari bo‘yicha zaruriy bilimlar bilan qurollantiradi.
Ushbu fan O‘zbekiston Respublikasi Prezidentining 2019-yil 21-oktabrdagi “O‘zbek tilining davlat tili sifatidagi nufuzi va mavqeyini tubdan oshirish chora-tadbirlari to‘g‘risida”gi PF-5850-sonli farmoni hamda “O‘zbek tilini 2020-2030-yillarda rivojlantirish konsepsiyasi”da belgilangan vazifalarini amalga oshirishda muhim o‘rin tutadi.
Fanni o‘qitishdan maqsad talabalarning o‘zbek tilida yozma va og‘zaki ravishda aniq, toʻgʻri va ravon nutq tuzish malakasini takomillashtirish; ularning o‘zbek tili bo‘yicha savodxonlik darajasini oshirish, sohada nutq uslublari imkoniyatlaridan samarali foydalanish, xususan, soha doirasida qo‘llaniladigan rasmiy-idoraviy ish hujjatlarini toʻgʻri rasmiylashtirishga o‘rgatishdan iborat.