1. бургут билан тулки

231. БУРГА ВА ПАҲЛАВОН 
Бир куни Бурга беллашувга ҳозирланаѐтган Паҳлавоннинг оѐғига сакраб 
келиб қунди-ю, уни чақиб олди. Паҳлавоннинг ғазаби қайнаб, Бургани 
тирноқлари орасига олиб қирсиллатиб ўлдирмоқчи бўлди, лекин Бурга, 
табиатан фақат сакраш учун яратилган эмасми, бир сакраб Паҳлавон 
ҳужумидан жон сақлаб қолди. Шунда у нола чекиб деди: "Аѐ Ҳеракл! Баски, 
Бургани маҳв этишимда менга кўмаклашмас экансан, унда рақибларим билан 
олишганимда қандай қўллаб-қувватлайсен мени?" 
Арзимас, икир-чикир ишларни бартараф қилиш чоғидамас, балки энг 
муҳим, йирик амалларни бажараѐтгандагина тангрилардан мадад сўраш 
жоиздир, деб уқтиради бу масал. 
234. БЎРИ ВА ЧЎПОН 
Бир Бўри Чўпон ҳайдаб кетаѐтган қўйларга эргашиб бораверди. Чўпон 
олдинига уни йиртқич душман дея хаво- тирланиб, орқасига қараб-қараб қўя 
бошлади; лекин Бўри ҳануз қўйлар ортидан эргашиб келарди-ю, ҳужумга ўтиш 
нияти сезилмасди. Ниҳоят Чўпон, бу Бўри душман эмас, балки қўйларимнинг 
соқчиси бўлиши мумкин, деб ўйлай бошлади. Мана, бир куни у шаҳарга бориб 
келмоқчи бўлди ва қўйларини шу Бўри ихтиѐрига қолдириб жўнаб кетди. 
Шунда Бўри ови юрадиган пайт келганини тушунди ва қўйларни пайдар-пай 
қийрата бошлади, Чўпон шаҳардан қайтиб келиб, қўйларининг қирилиб 
кетганини кўриб, шундай деди: "Айб ўзимда, аҳмоқ бўлмасам, келиб-келиб 
қўйларни Бўрига ишониб топширар- мидим?" 
Шунақа одамлар бўладики, ўз бойликларини очкўз киши- ларга ишониб 
қўядилар-да, кейин таассуф қилиб бармоқ- ларини тишлайдилар. 
www.kitob.uz - Respublika bolalar kutubxonasi

---

235. ЧУМОЛИ ВА КАПТАР 
Чумоли чанқаб сув ичмоқчи бўлди ва жилға лабига тушди, лекин сув 
ичмоқчи бўлганида бехосдан жилғага тушиб кетди. Шу ердаги дарахт шохига 
қўниб ўтирган бир Каптар дарахтдан барг узиб Чумолига ташлади. Чумоли шу 
баргга чиқиб жон сақлаб қолди. Бу пайт шу ерда пайдо бўлган бир овчи 
Каптарни тугиб олиш ниятида тузоқ чивиқларини шайлай бошлади; худди шу 
маҳал Чумоли келиб овчининг оѐғини тишлади; ана шунда унинг қўлидаги 
чивиқдар сочилиб, Каптар учиб кетди. 
Кези келганда заиф одамнинг ҳам ѐрдами асқатиб қолиши мумкин, деб 
сабоқ беради бу масал.