1. бургут билан тулки

133. ГЎШТ ТИШЛАГАН ИТ 
Оғзида бир бўлак гўшт билан кўприкдан ўтаѐтган Ит сувда ўз аксини 
кўриб қолади. У, бошқа бир ит катта бўлак гўшт тишлаб кегяпти, деб ўйлаб, 
оғзидаги гўштдан воз кечади- да, сувдаги ўз аксига ташланади. Натижада, 
иккала гўштдан ҳам қуруқ қолади: катта гўшт бўлагини тополмайди, чунки у 
йўқ эди ва ўз гўштини йўқотиб қўяди, чунки уни сув оқизиб кетган эди. 
Бу масал очофат одамларга қарши қаратилган. 
134. ИТ БИЛАН БЎРИ 
Бир Ит ўз хўжасининг уйи олдида мудраб ѐтарди; Бўри уни кўриб тутиб 
олди ва емоқчи бўлди. Ит Бўридан бу сафар уни қўйиб юборишни илтимос 
қилди. "Ҳозир мен озғин, қоқсуякман, — деди у, — лекин яқинда хўжайиним 
тўй қилмоқчи, агар ҳозир менга тегмай, тўйдан кейин биққа семирганимда 
есанг роса маза қиласан". Бўри унинг гапига ишониб қўйиб юборди. Орадан 
бир неча кун ўтгач, Бўри яна келди. Қараса, Ит энди том бошида мудраб 
ѐтибди; Бўри Итга ўзаро тузилган битимни эслатиб, уни пастга тушишга ундай 
бошлади. Ит эса унга шундай жавоб қилди: "Сенга маслаҳатим шуки, азизим, 
агар яна менинг уй олдида ухлаб ѐтганимни кўрсанг, тўй бўлишини кутиб 
ўтирмай қўяқол!" 
Доно одамлар ҳам шундай: бошларига тушган катта хатардан бир марта 
қутулиб омон қолсалар, кейин умрбод ҳушѐр бўлиб яшайдилар; ахир кўр 
ҳассасини бир марта йўқотади, демаганмилар? 
www.kitob.uz - Respublika bolalar kutubxonasi

---

137. ЧИВИН ВА БУҚА 
Бир Чивин учиб келиб Буқанинг шохига қўнди ва анча вақт шу ерда 
ўтирди; кейин учиб кетишга шайланиб, Буқадан сўради: "Балки учиб 
кетмаганим маъқулдир сенга?" Буқа унга жавоб қайтарди: "Эҳ азизим, келиб 
шохимга қўнганингни ҳам сезмаган эдим, учиб кетсанг ҳам ҳеч нима 
сезмайман". 
Ушбу масални бор ѐ йўқмилигига ҳеч ким эътибор бермайдиган, ҳеч кимга 
ҳеч қандай нафи ҳам, зиѐни ҳам тегмайдиган кишиларга нисбатан қўллаш 
мумкин.