1 бош илмий-методик марказ 2

44 
Илмий ва инновацион фаолиятни ривожлантириш 
Баъзида бир вақтнинг ўзида янгиликларни тижоратлаштиришнинг бир нечта 
усулларидан фойдаланиш мумкин. 
Усулларнинг ҳар бири инновацион корхоналарга ўз ишланмаларини амалга 
ошириш учун кенг имкониятлар яратади. Тижоратлаштириш жараёнининг барча 
босқичларидан ўтган корхона мустақил равишда ўзининг инновацион 
маҳсулотини бозорга чиқариши мумкин. Aгар инновацион маҳсулот ускуналар 
бўлса, унда ишлаб чиқариш бошлангандан кейин корхона нафақат уни сотишдан 
фойда олиш, балки уни ижарага олиш имкониятига ҳам эга. Инновация ишлаб 
чиқариш жараёнларини оптималлаштириш билан боғлиқ бўлган тақдирда, 
компания бошқа компанияларга муҳандислик хизматларини кўрсатиши мумкин. 
Бошқа томондан, инновацион корхона ўз инновацияси учун лицензияни 
сотиш ёки янгиликни ижарага олиш (франчайзинг) имкониятига эга. Aгар керак 
бўлса, корхона ўз ходимини, масалан, шерик корхонасини юбориши ва шу билан 
ишлаб чиқариш сирларини ўтказиши мумкин. Шунингдек, инновацион корхона 
инновацияларга бўлган барча ҳуқуқларни тўлиқ сотиш ва ушбу фаолият 
соҳасини тарк этиш ёки унга ҳуқуқларни сақлаб қолиш ёки тўлиқ ўтказиш 
имконияти билан мижоз билан (агар мавжуд бўлса) инновацион маҳсулот ишлаб 
чиқариш учун шартнома тузиш имкониятига эга. 
Сўнгги йилларда илм-фан соҳасини устувор ривожлантириш ва давлат 
томонидан қўллаб-қувватлашга қаратилган қатор норматив-ҳуқуқий ҳужжатлар 
қабул қилинди. Хусусан: 
1. Ўзбекистон Республикаси Президентининг 2017 йил 7 февралдаги 
«Ўзбекистон Республикасини янада ривожлантириш бўйича ҳаракатлар 
стратегияси тўғрисида»ги 4947-сонли Фармони; 
2. Ўзбекистон Республикасининг “Илм-фан ва илмий фаолият тўғрисида” 
2019 йил 29 октябрдаги ЎРҚ-576-сон Қонуни; 
3. Ўзбекистон Республикаси Президентининг “Ўзбекистон Республикаси 
Инновацион ривожланиш вазирлигини ташкил этиш тўғрисида” 2017 йил 29 
ноябрдаги ПФ-5264-сон Фармони; 
4. Ўзбекистон Республикаси Президентининг “2019-2021 йилларда 
Ўзбекистон Республикасини инновацион ривожлантириш стратегиясини 
тасдиқлаш тўғрисида” 2018 йил 29 сентябрдаги ПФ-5544-сон Фармони; 
5. Ўзбекистон Республикаси Президентининг “Ўзбекистон Республикаси 
Инновацион ривожланиш вазирлиги фаолиятини ташкил этиш тўғрисида” 2017 
йил 30 ноябрдаги ПҚ-3416-сон қарори; 
6. Ўзбекистон Республикаси Президентининг “Фанлар академияси 
фаолияти, илмий-тадқиқот ишларини ташкил этиш, бошқариш ва 
молиялаштиришни янада такомиллаштириш чора-тадбирлари тўғрисида” 2017 
йил 17 февралдаги ПҚ-2789-сон қарори; 

---