1-bob. "Xizmat ko'rsatishni rad etish" turidagi tarmoq taqsimlangan hujumlari ta'siridagi kompyuter tarmog’i qabul qilish tugunining konseptual modeli

2-BOB. "XIZMAT KO'RSATISHNI RAD ETISH"

TURIDAGI TARMOQ HUJUMLARINI ANIQLASH USULLARI

DDoS hujumlarini aniqlash va ularga qarshi kurashish jarayonlarining samaradorligini oshirish uchun DDoS hujumlarini avtomatlashtirilgan himoya tizimlarida qo'llashda ularni mashinali o’qitish algoritmlaridan foydalanish imkoniyatlarini o'rganish kerak. DDoS hujumlarini aniqlash muammosini hal qilish uchun nazorat qilinadigan va nazoratlanmaydigan mashinali o’qitish algoritmlarini qo'llash mumkin. Nazorat qilinadigan o’qitish usullari, agarda hujum atributlari aniq va to'g'ri bo'lsa, lekin ular ilgari ko'rilmagan hujumlarni aniqlay olmasa hujumni yuqori aniqlik bilan aniqlaydi. Boshqa tomondan, nazoratsiz o’qitish usullari noma'lum hujumlarni aniqlay oladi. Biroq, agarda ma'lumotlarda shovqin bo'lsa yoki ma'lumotlar buzilgan bo'lsa, ular samarasiz bo'ladi.
Ushbu bobning maqsadi mashinali o’qitish algoritmlari asosida tarmoqqa tarqalgan hujumlarni aniqlash usullarini ishlab chiqishdan iborat. "Xizmat ko'rsatishni rad etish" kabi ma'lum tarmoq tahdidlarini avtomatik tasniflash muammolarida aniqlikni kuchaytirish uchun matematik apparat ishlab chiqiladi. Ilgari aniqlanmagan tahdidlarni aniqlash uchun nazoratsiz mashinali o’qitish algoritmiga asoslangan usul - giperparametrlarni sozlash usulidan foydalangan holda mahalliy chegara sathidagi algoritm taklif etiladi.

2.1. Tarmoqda xizmat ko'rsatishni rad etish hujumlarini aniqlash masalasi

DDoS hujumlarini aniqlash vazifasi kompyuter tarmog'ining qabul qiluvchi tugunida kiruvchi tarmoq trafigini tasniflash muammosini hal qilishdan iborat.
Tarmoq trafigini o’qitish namunasiga asoslangan modelda kiritish parametrlarining 𝑓(𝑥_𝑚) funksiyasi o'rnatiladi, bu esa xato sinflashtirilgan paketlarni kichik miqdorida istalgan yangi 𝑥 qiymat uchun 𝑦 natijaviy hujum sinflarini bashorat qiladi. 𝑌 chiqish qiymatlari barcha oldindan belgilangan sinf qiymatlarini o'z ichiga olgan diskret to'plamdan olinadi:
𝑌={𝑦_1,𝑦₂, … , 𝑦_𝑚}, (2.1)
bu yerda 𝑚 - natijada olingan sinflar soni [120].
Shunday qilib,
𝑓: 𝑋 → 𝑌, (2.2)
bu yerda 𝑋 - tarmoq paketi atributlari vektorlari to'plami, 𝑌 – taqsimlangan tarmoq hujumlari sinflari nomlar to'plami. Asosiy bog'liqliklar qiymati 𝑓 faqat cheklangan o'qitish to'plamining obyektlarida ma'lum [156]:
𝑥^𝑚 = {(𝑥₁, 𝑦₂), … , (𝑥_𝑚, 𝑦_𝑚)}. (2.3)
Hujumlarni aniq aniqlash uchun 2.4-formulaga muvofiq qonuniy trafik hamda hujumdan iborat trafikka ajratishdan foydalanish yetarli.
2.4-formula
Kiruvchi paketlarni muvaffaqiyatli sinflashtirish natijasida kiruvchi tarmoq trafik ma'lumotlarini 𝑝ℝ(𝑚) yoki 𝑝ℕ(𝑚) hujum sinfi sifatida sinflashtirishning ikkita ehtimoli mavjud.

1.