24-modda. Ijtimoiy xizmatlar sohasidagi davlat nazorati
Ijtimoiy xizmatlar sohasidagi davlat nazorati qonun hujjatlarida belgilangan tartibda davlat boshqaruvi organlari, mahalliy davlat hokimiyati organlari, shuningdek boshqa davlat organlari tomonidan amalga oshiriladi.
25-modda. Ijtimoiy xizmatlar sohasidagi jamoatchilik nazorati
Ijtimoiy xizmatlar sohasidagi jamoatchilik nazoratini nodavlat notijorat tashkilotlari, fuqarolarning o‘zini o‘zi boshqarish organlari, ommaviy axborot vositalari va fuqarolik jamiyatining boshqa institutlari, shuningdek O‘zbekiston Respublikasi fuqarolari qonun hujjatlariga muvofiq amalga oshirishi mumkin.
Davlat organlari va tashkilotlari jamoatchilik nazorati o‘tkazilishiga ko‘maklashishi shart.
Jamoatchilik nazorati natijalari ijtimoiy xizmatlar sohasidagi tegishli davlat organlari va tashkilotlari tomonidan ko‘rib chiqilishi shart.
Do'stlaringiz bilan baham: |