1-боб. Умумий қоидалар 1-модда. Ушбу Қонуннинг мақсади ва асосий вазифалари

43-модда. Аризани рўйхатдан ўтказиш 
Олдинги
 таҳрирга қаранг. 

---

Маъмурий органга келиб тушган ариза ўша куннинг ўзида рўйхатдан ўтказилиши 
лозим. Маъмурий орган аризачига ариза рўйхатдан ўтказилганлигини тасдиқловчи тегишли 
ҳужжат (белги) бериши, ариза электрон шаклда берилган тақдирда эса, ариза рўйхатдан 
ўтказилганлигини маъмурий органнинг расмий веб-сайтидаги электрон хабар билан, 
тегишли ѐзувга ҳавола билан ѐки қонунчиликда назарда тутилган бошқа усул билан 
тасдиқлаши шарт. 
(43-модданинг биринчи қисми Ўзбекистон Республикасининг 2021 йил 21 апрелдаги ЎРҚ-
683-сонли 
Қонуни 
таҳририда — Қонунчилик маълумотлари миллий базаси, 21.04.2021 й., 
03/21/683/0375-сон)
Маъмурий органда аризани рўйхатдан ўтказишни рад этишга йўл қўйилмайди. 
44-модда. Маъмурий органга ариза бериш учун зарур ахборотни тақдим этиш 
Маъмурий органга ариза бериш учун зарур бўлган ахборот маъмурий органнинг 
мансабдор шахси ѐки ахборотни тақдим этиш ўз ваколатига киритилган бошқа ходими 
томонидан тақдим этилади. 
Маълумотнома тарзидаги ахборот қоида тариқасида: 
аризанинг шаклига; 
аризанинг мазмунига; 
ариза бериш учун зарур ҳужжатлар рўйхатига; 
аризанинг шакли ва мазмунига доир талабларни бузиш оқибатларига; 
ҳужжатларни қабул қилиш ва бериш вақтига; 
аризани кўриб чиқиш муддатлари ва тартибига; 
маъмурий ва процессуал ҳужжатлар ҳамда ҳаракатлар устидан шикоят қилиш 
тартибига оид масалалар юзасидан тақдим этилади. 
Маъмурий орган аризалар намуналаридан ва маъмурий иш юритиш билан боғлиқ 
бўлган хизмат варақаларидан (бланкалардан), шунингдек уларни тўлдириш, шу жумладан 
маъмурий органнинг расмий веб-сайтига жойлаштириш орқали тўлдириш бўйича 
йўриқномалардан фойдаланишни таъминлаши шарт. 
Олдинги
 таҳрирга қаранг. 
Маъмурий орган аризачига қонунчиликка мувофиқ зарур ѐрдам кўрсатиши шарт. 
(44-модданинг тўртинчи қисми Ўзбекистон Республикасининг 2021 йил 21 апрелдаги ЎРҚ-
683-сонли 
Қонуни 
таҳририда — Қонунчилик маълумотлари миллий базаси, 21.04.2021 й., 
03/21/683/0375-сон)