1-боб. Умумий қоидалар 1-модда. Ушбу Қонуннинг мақсади ва асосий вазифалари

28-модда. Маъмурий иш юритишда гувоҳ
Олдинги
 таҳрирга қаранг. 
Маъмурий ҳужжатни қабул қилишда аҳамиятга эга бўлган маълумотларни баѐн 
этиш ѐки маъмурий органнинг мансабдор шахси томонидан муайян ҳаракатларнинг амалга 
оширилиши фактини гувоҳлантириш учун гувоҳ маъмурий иш юритишга, агар 
қонунчиликда бошқача қоида назарда тутилмаган бўлса, ихтиѐрий тартибда жалб қилиниши 
мумкин. 
(28-модданинг биринчи қисми Ўзбекистон Республикасининг 2021 йил 21 апрелдаги ЎРҚ-
683-сонли 
Қонуни 
таҳририда — Қонунчилик маълумотлари миллий базаси, 21.04.2021 й., 
03/21/683/0375-сон)
Гувоҳ ўз хоҳишига кўра оғзаки ѐки ѐзма кўрсатувлар беради. Гувоҳнинг оғзаки 
кўрсатувлари маъмурий орган томонидан тегишли баѐнномада баѐн этилади. 
29-модда. Маъмурий иш юритишда эксперт 
Маъмурий орган фан, техника, санъат ѐки ҳунар соҳасида махсус билимлар талаб 
этиладиган масалалар юзасидан хулоса бериш учун экспертиза тайинлаши мумкин. 
Экспертлар тайинлаш ва экспертлар томонидан тушунтирилиши керак бўлган 
масалалар доирасини аниқлаш чоғида маъмурий иш юритишнинг барча иштирокчилари 
фикри инобатга олинади. 
Эксперт экспертиза предметига тааллуқли маъмурий иш материаллари билан 
танишиш, улардан зарур маълумотларни ѐзиб олиш ѐки кўчирма нусхалар олиш, маъмурий 
иш юритишда иштирок этувчи шахсларга ва гувоҳларга саволлар бериш, жойида кўздан 
кечиришда, аттестация-имтиҳон тадбирларида ҳамда эксперт баҳолашидан ўтказишга 
қаратилган бошқа ҳаракатларда иштирок этиш ҳуқуқига эга. Эксперт, агар унга тақдим 
этилган материаллар экспертиза ўтказиш учун етарли бўлмаса ѐки эксперт ўз зиммасига 
юклатилган мажбуриятни бажариш учун зарур билимларга эга бўлмаса, хулоса беришни рад 
этиши мумкин. 
Эксперт ўз текширишларининг натижалари бўйича эксперт хулосасини тақдим 
этади. Маъмурий органнинг ѐки маъмурий иш юритишдаги бошқа иштирокчиларнинг 
талабига кўра эксперт ўз хулосаси юзасидан қўшимча тушунтиришлар бериши керак.