1-БЎлим. Бахтли ҳаёт асослари бахтнинг баҳоси қанча?

МЕҲРГА ЙЎҒРИЛГАН ҚАТТИҚҚЎЛЛИК 
Маълумки, оилани эркак киши бошқаради. Эркакнинг жисмонан бақувватлиги, турмушнинг 
паст-баландига чидай олиши, оғир меҳнатларни қилиши, оила таъминоти учун бозор-ўчарга бориши, 
савдо-сотиқ билан шуғулланиши оилани бошқаришини тақозо этади. Қолаверса, эркак кишининг 
хотинига нисбатан адолат билан қаттиққўл бўлиши бола тарбиясида муҳим аҳамиятга эга. Чиндан ҳам 
отанинг оилада бош бўлиши фарзанд тарбиясига таъсири катта. Бола ўзини онасига яқин олади. Чунки 
онанинг дўқ-пўписасига ҳам, жаҳлига ҳам меҳр нури йўғрилган. Шунинг учун онанинг койиши 
юмшоқ туюлади. Бола қанча одобсизлик қилса, бир ишни ѐлчитолмаса, она барибир кечиришини 
сезади. Бу ҳол онанинг боласини эркалашига, кўп ўринда масъулиятни сезмай қолишига олиб боради. 
Ота эса фарзандини қанчалик севмасин, унинг меҳрида қаттиққўллик бор. 
У ҳолда отасиз ўсган болалар одобсиз бўладими? – деган савол туғилади. Йўқ, албатта. Агар 
ота бўлмаса, оилада бола тарбияси учун масъулият она зиммасига тушади. Бунинг йўриғи бошқа. Она 
бундай ҳолатда ҳам она, ҳам ота ўрнида фарзанд тарбиясида жонбозлик кўрсатади, отаси йўқлигини 
билинтирмасликка ҳаракат қилади. Лекин, барибир отанинг ўрни бошқа. 
ҲИКМАТ 
1. Бақиргандан кўра мароми билан секинроқ қилинган таъна (тергаш) қулоққа яхшироқ киради, 
зеҳнга мустаҳкам ўрнашади. 
2. Ота-онаси эрка ўстирган бола кўпинча худбин бўлади. 
НИМА ГАП, ФАРЗАНДИНГИЗ ...МИ? 
Психолог Ториқ Ҳабиб фарзанд тарбиясидаги муаммолар ечими ҳақида шундай дейди: 
Фарзандингиз ѐлғон гапиряптими? Демак, сиз уни қаттиқ назорат остига олгансиз! 
Фарзандингиз ўзига ишонмаяптими? Демак, сиз уни руҳлантирмас экансиз! 
Фарзандингиз яхши гапира олмаяптими? Демак, сиз у билан суҳбатлашмас экансиз! 
Фарзандингиз ўғрилик қиляптими? Демак, сиз унга совға-салом бермаѐтган экансиз! 
Фарзандингиз қўрқоқми? Демак, сиз уни кўп ҳимоя қиларкансиз! 
Фарзандингиз бошқаларни ҳурмат қилмаяптими? Демак, сиз унинг ѐнида овозингизни 
пасайтирмас экансиз! 
Фарзандингиз доим қовоғи осилганми? Демак, сиз уни мақтамас экансиз! 
Фарзандингиз қизғанчиқми? Демак, сиз у билан ўзаро ҳамкорлик қилмас экансиз! 
Фарзандингиз бошқаларга нисбатан тажовуз қиляптими? Демак, сиз унга нисбатан қўпол 
муносабатда бўларкансиз! 

---

64 
Фарзандингиз заифми? Демак, сиз унга кўп дўқ-пўписа қилар экансиз! 
Фарзандингиз сизни қизғаняптими? Демак, сиз унга нисбатан беэътибор экансиз! 
Фарзандингиз сизни безовта қилиб, тинчингизни бузяптими? Демак, сиз уни бағрингизга босиб, 
юзларидан ўпмас экансиз! 
Фарзандингиз сизга бўйсунмаяптими? Демак, сиз ундан кўп нарса талаб қиларкансиз! 
Фарзандингиз одамови бўлиб қолганми? Демак, сиз ўзингиз билан ўзингиз овора экансиз!