1-БЎлим. Бахтли ҳаёт асослари бахтнинг баҳоси қанча?

6. Хотин ҳайз кўраѐтганида яқинликдан сақланиш. 
Ҳадиси шарифда шундай дейилган: “Ким ҳайзли (хотини)га яқинлик қилса ѐки унинг ортидан 
яқинлик қилса ѐки коҳинга борса, Муҳаммад соллаллоҳу алайҳи ва салламга нозил этилган нарсага 
куфр келтирибди!” (Имом Термизий ривоят қилган). 
Шунинг учун аѐл пок пайтида алоқа қилинади, узрли ҳолатида уни жинсий муомалага ундаш 
тўғри эмас. Бу вақтда қилинган алоқа ҳар жиҳатдан зарарли эканини эркак киши тушуниб етиши 
керак. 
7. Аѐлга олд тарафдан яқинлик қилиш. 
Аллоҳ таоло инсон фитратига нимани хослаган бўлса, ўшанга амал қилинади. Нафсига қул 
бўлиб, шариат қайтарган ишни қилган кимса Аллоҳнинг лаънатига учрайди. 
Расулуллоҳ соллаллоҳу алайҳи ва саллам: “Аѐлининг орқасига яқинлик қилган (кимса) 
лаънатлангандир!” деганлар (Имом Абу Довуд ривоят қилган). 
Аѐлнинг олд авратига, фарзанд бўладиган жойга яқинлик қилинади. Унга орқа ѐки олд 
тарафдан келишнинг фарқи йўқ. 
8. Жинсий алоқа вақтида овозни пасайтириш, кўп гапирмаслик. 
Жинсий алоқа вақтида овозни пасайтириш, кўп гапирмаслик мустаҳабдир (Манба: “Кашшофул 
қиноъ”). 
Эр-хотин жинсий алоқа қилаѐтганини бошқалар эшитиши ѐки ҳис қилиши маъқул эмас. 
9. Жинсий алоқа вақтида авратга қарамаслик. 
Аслида эр-хотин бир-бирининг жинсий аъзосига қараши жоиз. Аммо одоб юзасидан 
қарамаслик афзал. 
Бир ҳадисда “Фаржга назар солиш кўзни кўр қилади”, дейилган. Айрим уламолар буни 
“Басират кўзини ѐки моддий кўзни кўр қилади”, деб тушунтиришган. 
Оиша розияллоҳу анҳо онамиздан ривоят қилинади: “Мен Расулуллоҳ соллаллоҳу алайҳи ва 
саллам фаржларига (яъни, жинсий аъзоларига) зинҳор қарамаганман ѐки кўрмаганман” (Имом Ибн 
Можа ривоят қилган). 
10. Жинсий алоқа вақтида устига бирон нарса ташлаб олиш. 
Расулуллоҳ соллаллоҳу алайҳи ва саллам айтадилар: “Сизлардан биронтангиз аѐлига яқинлик 
қилса, ўзини беркитсин, икки эшакка ўхшаб яланғоч бўлиб олмасин!” (Имом Ибн Можа ривоят 
қилган). 
Уламолар: “Яланғоч ҳолда жинсий алоқа қилиш танзиҳий макруҳдир”, дейишган. Яъни, 
яланғоч ҳолда жинсий алоқа қилиш жоиз бўлса-да, одобга зид саналади. 
Яна бир ҳадиси шарифда шундай дейилган: “Яланғоч бўлишдан сақланинглар! Чунки 
сизлардан фақат қазои ҳожат (вақтида), аҳлингизга яқинлик қилганингиздагина айриладиганлар 

---

48 
сизлар билан биргадир. Шундай экан, улардан уялинг, уларни ҳурмат қилинг!” (Имом Термизий 
ривоят қилган). 
Ҳожатхонага кирганда, жинсий алоқа қилаѐтганда ҳар бир инсонга бириктирилган фаришталар 
уни тарк этишади. Мана шу ҳолатларда зарурат юзасидан авратни очишга тўғри келади. Бундан бошқа 
вақтда авратни беркитиш лозим.