1-БЎлим. Бахтли ҳаёт асослари бахтнинг баҳоси қанча?

3. “Элчи” юбориш. 
Қовушишдан олдин эркалаш керак. Пайғамбаримиз соллаллоҳу алайҳи ва саллам буни “элчи 
юбориш” деб атаганлар, эрларни – ҳайвонлар каби даб-дурустдан алоқага киришмасдан – аввал 
эркалашга буюрганлар. 
Эркалаш амал ѐки сўз билан бўлади. Эркалашдан мақсад шаҳватни қўзғаш. 
Амал билан эркалаш қуйидагилар: 
1. Ўпиш. Ўпишнинг энг яхшиси оғиздан ўпишдир. 
2. Сийна учини қитиқлаш. Эр хотини сийнасини қўллари билан ўйнаши, ўпиши аѐли 
шаҳватини қаттиқ қўзғайди. 
3. Эр-хотин бир-бирларининг жинсий аъзоларини қўл ѐки бошқа жойлари билан ўйнаши. Имом 
Абу Ҳанифадан, эр хотинининг фаржини ѐки хотин эрининг закарини ушлаши ҳукми ҳақида 
сўралганида, “Савоблари кўп бўлишидан умид қиламан”, деб жавоб қилганлар. 
Аѐлнинг мазкур аъзосини ўйнаш унинг шаҳватини ошириши билан бирга, уни бутунлай 
эрининг асирига айлантиради. 
4. Қучоқлашиш. Бунда эр-хотин бир-бирини бағрига олиб қучадилар. 
Сўз билан эркалаш эса бир-бирига севгисини ифодаловчи ѐқимли сўзлар айтиш билан бўлади. 
Бу ишлардан кейин эр-хотин қўшилишга тўлиқ тайѐр бўлади, жинсий алоқадан ўзлари 
истагандек лаззат олади. Бу билан улар бир-бири учун – ҳаром ишлардан ҳимоя қилувчи – мустаҳкам 
қўрғонга айланади
31
. 
ЖИНСИЙ АЛОҚА ОДОБЛАРИ 
Инсон турмуш тарзи, ақл-идроки билан бошқа тирик мавжудотлардан ажралиб туради. Одам 
боласи ҳар бир ишни одоб-ахлоқ билан қилади. Шу жумладан, аҳли аѐли билан қиладиган жинсий 
алоқани ҳам. Зеро, бундай муомаланинг кўнгилдагидек кечиши оила мустаҳкам бўлишига сабабдир. 
Шу маънода қуйида жинсий алоқа одобларини қисқача баѐн этамиз: 
1. Жинсий алоқани “бисмиллаҳ” билан бошлаш, дуо қилиш. 
Пайғамбаримиз соллаллоҳу алайҳи ва саллам айтадилар: “Қайси бир банда аѐлига яқинлик 
қилишни хоҳласа, “Бисмиллааҳ, аллоҳумма жаннибнаш-шайтон, ва жаннибиш-шайтона маа 
розақтанаа”, деса ва ўрталарида фарзанд бўлиш тақдир этилса, унга шайтон ҳеч қачон зарар 
етказолмайди” (Имом Бухорий ривоят қилган).