1-БЎлим. Бахтли ҳаёт асослари бахтнинг баҳоси қанча?

КАМҚОНЛИК ДАВОСИ 
Камқонлик дарди келиб чиқишига кўра бир неча турга бўлинади. Жумладан, кўп қон йўқотиш 
натижасида пайдо бўладиган қувватсизлик, баданда темир моддаси камайиб кетиши, заҳарланиш 
билан боғлиқ, суяк хасталиклари оқибатида юзага келадиган камқонлик. 
Камқонлик касаллиги катталарда ҳам, болаларда ҳам бўлиши мумкин. Ёшларда ҳатто туғма 
ҳолда учрайди. Лекин, кўпинча турмушда орттириб олинади. Бу хасталик асосан аѐлларда, болаларда 
кўп учрайди. 
Камқонликни даволашдан мақсад фақат қонни кўпайтириб, етарли миқдорга олиб чиқишгина 
эмас, балки беморнинг ҳамма аъзоларидаги камчиликларни ҳисобга олган ҳолда уларни ҳам 
бирваракайига даволашдир, деб тушуниш керак. Шунга кўра, камқонликни даволашда турфа дори-
дармонларни қўллаш мумкин: 
Камқонликни даволашни суюқликдан бошлаган маъқул. Беморнинг доимий чойи – тузалиб 
кетгунича – узоқ қайнатилган туршак суви бўлиши лозим. Иккинчиси, камроқ истеъмол қилинадиган 
наматак, дўлана бўлгани яхши. 
Эрталабки нонуштада пахта, писта ѐки зайтун ѐғида қовурилган пиѐзни суви қочган нон билан 
истеъмол қилиш яхши натижа беради. 
Қовурилган гўштли таомлар, кабоб, сут истеъмол қилинмагани маъқул. Гўштни – иложи 
борича – қийма ҳолида ейиш керак. 
Ҳафтада ѐки 10 кунда бир марта бемор ошқозонини, ҳазм йўлларини ювиб туриш фойдали. 
Бунинг учун бир кеча-кундуз овқат емай, чанқаса қайнаган илиқ сув ичиб туриб, сўнг бир литр қатиқ 
зардобини ичиш. Бир-икки марта ичилган зардоб ични суради. Бу муолажани соппа-соғ одам ҳам 
вақти-вақти билан такрорлаб турса, фойдадан холи бўлмайди. 
Ҳар куни наҳорда беш пайса (100 гр) чучук сузма (творг) истеъмол қилинади. Нонуштадан сал 
олдин бир ош қошиқ зайтун ѐки писта ѐғи ичиш, кетидан бир дона тухумни илитиб ютиш янада 
фойдали. 
Бемор асосан суюқ қайнатма овқат ичгани маъқул. 
Дўкон ширинликларидан оқ қанд, шакар, шунингдек, асал, ҳўл мевалар, сабзавотлар, полиз 
маҳсулотлари истеъмол қилиш мумкин. Қандолатчилик маҳсулотлари, қаҳва, какао, турли 
пишириқлар мумкин эмас. 
Бемор ҳар куни вақт ажратиб, уй ичидами, айвондами, ҳовлидами, хуллас қаерда бўлса ҳам, бир 
соат секин, лўкиллаб югуриши лозим. Кундузи ишлайдиганлар кечаси 11 дан 12 гача югурса ҳам 
бўлади. 
Ёзда ҳар куни оз-оздан баданни офтобга тутиб қорайтирилади. Офтобда тобланганда қатиқ 
ичиб олинади, баданга доғ қилинган пахта ѐғи суртилади. 
Камқонликни даволашда бемор ҳар куни озми-кўпми жисмоний меҳнат қилиши ѐки 
бадантарбия билан мунтазам шуғулланиши маслаҳат берилади
94
.