1-basqısh (20 minut) Ózbekstan respublikasíndaǵÍ ekonomikalíQ

ÓZBEKSTAN RESPUBLIKASI PREZIDENTINIŃ

QARARI
https://uza.uz/oz/posts/yurish-yugurish-mini-futbol-badminton-stritbol-va-workout-sport-turlarini-yanada-rivojlantirish-chora-tadbirlari-togrisida_318511

MÁMLEKETLIK BYUDJET JOYBARI DODALANDI
Prezident Shavkat Mirziyoyev janında 2022-jıl ushın salıq túsimleri hám byudjet parametrleri boyınsha májilis ótkerildi.

Mámleket basshısı elimizde insan qádirin ulıǵlaw, adamlardıń turmısın jaqsılaw bas maqset etip belgilengeni, bul principler byudjetti qáliplestiriwde de baslı ólshem bolıwı zárúr ekenligin atap ótti.

Sonıń ushın kelesi jılǵa mólsherlengen mámleketlik byudjet joybarında, bárinen burın, sociallıq baǵdarlarǵa úlken itibar qaratılǵan. Atap aytqanda, bilimlendiriw hám medicina sistemasına 58 trillion sum ajıratılıwı názerde tutılǵan.

Prezidentimiz bul qarjıǵa qosımsha túrde jáne 12 trillion sum ajıratıw usınısın bildirdi. Sebebi aymaqlardaǵı mútájlik hám xalıqtıń talabınan kelip shıǵıp, kelesi jılı 55 jańa baǵdarlama ámelge asırılatuǵını belgilengen.

Sonıń ishinde, shetki jerlerde 1 mıń 600 balalar baqshasın shólkemlestiriw, Milliy bilimlendiriw baǵdarlaması sheńberinde 40 jańa mektep qurıw hám 235 in ońlaw, sabaqlıqlardı jańalaw jáne komp'yuter klasların ashıw sıyaqlı kóplegen ilajlar mólsherlengen.

Joqarı bilimlendiriw sistemasında da wazıypalar kóp. Atap aytqanda, bakalavr baǵdarında mámleketlik grantlar, magistratura hám doktoranturaǵa qabıllawlar sanın arttırıw, mámleketlik-jeke menshik sheriklik tiykarında jataqxanalar qurıwǵa subsidiya beriw jáne 80 mıńnan aslam studentlerdiń ijara qárejetleriniń bir bólegin qaplaw názerde tutılǵan.

Medicinanıń baslanǵısh buwının rawajlandırıw jáne aymaqlarda joqarı texnologiyalı medicinalıq xızmetlerdi engiziwge kelesi jılı jámi 8 trillion sum ajıratılıwı mólsherlenbekte. Sonnan 1 trillion sumı onkogematologiya, endokrionologiya, búyrek hám bawırdı kóshiriw sıyaqlı baǵdarlamalarǵa qaratıladı. Koronavirusqa qarsı shanshılǵanlar sanın 17 millionǵa jetkeriw, járdemge mútáj xalıqqa qánigelesken medicinalıq xızmetler ushın da zárúr qarjı ajıratıladı.

Prezidentimiz muǵallim hám shıpakerlerdiń aylıq miynet haqısın basqıshpa-basqısh arttırıw zárúr ekenligin atap ótip, onıń ushın qosımsha qarjı qaratıwdı usınıs etti.

Mámleketlik byudjet joybarında aymaqlar infrastrukturasın jaqsılaw máselelerine de keńnen orın berilgen. Turaq jaylar hám sociallıq ob'ektler qurıw, máhállelerdi abat etiw ilajları ushın 26 trillion sum ajıratılıwı rejelestirilgen.

– Bul tarawlarǵa usı kúnge shekem bunday qarjı berilmegen. Endi onı tártipli, nátiyjeli túrde orın-ornına jetkeriw kerek. Sonıń ushın hár bir baǵdarlama boyınsha ajıratılatuǵın qarjılardı maqsetli kórsetkishler menen baylanıstırǵan halda, elektron qadaǵalaw sistemasın engiziw zárúr,-dedi Shavkat Mirziyoyev.

Byudjet sistemasında qarjını qadaǵalawdı kúsheytiw máselesine ayrıqsha toqtap ótildi. Onıń ushın temir tártip penen, mámleketlik satıp alıwlar sistemasında ashıq-aydınlıqtı kúsheytiw zárúr ekenligi atap ótildi.

Qarjı ministrligine kelesi jılı 1-yanvar'dan tenderlerdi insan faktorısız ótkeriw sistemasın engiziw wazıypası qoyıldı. Sonday-aq, barlıq byudjet shólkemleri buxgalteriyasın tolıq sanlastırıw, mámleketlik satıp alıwlar boyınsha esap-sanaqlardı elektron esap-faktura arqalı ámelge asırıw boyınsha tapsırmalar berildi.

Mámleketimiz basshısı byudjet joybarın jergilikli keńesler, isbilermenler hám xalıq penen dodalaw, olardıń usınısların Oliy Majliske dodalawǵa kirgiziw zárúr ekenligin atap ótti.