1. Animatsiya madaniy dam olish faoliyati sifatida. "Bo'sh vaqt", "dam olish", "rekreatsiya", "turistik faoliyat", "madaniy dam olish faoliyati" tushunchalari

Huzur – halovat ishqibozlari. Bu tipga mansub bo‘lganlar juda sinchkov turistlardir. Ular dam olish paytida xilma-xil huzur-halovatlarni qidirish bilan band bo‘lishadi va gavjum davra muhitini ma’qul ko‘rishadi. Ko‘pincha iltifotli so‘zlar aytish, uzoq sayr qilish, tungi ko‘ngil xushliklar ularga xosdir;

Faol dam olish ishqibozlari. Bu guruhga kiruvchi turistlar tabiatni juda sevishadi va o‘z taniga faol yuk yaratadilar. Vazmin harakatni va toza havoda bo‘lishni maqbul ko‘rishadi;

Sportli dam olish ishqibozlari. Faol dam oluvchilardan farqli ravishda sportchi turistlar butun diqqat e’tiborini musobaqalarga qaratishadi. Ular uchun sport juda muhim – doimiy ermagi, ular jismoniy zo‘riqishdan cho‘chishmaydi;

Bilish, o‘rganish maqsadida dam oluvchilar. Ushbu tip turistlar o‘z bilim darajasini oshirish, yangilarni bilishdan manfaatdordirlar.

Sarguzasht ishqibozlari. Kamgina o‘tkir hissiyot ishqibozlarigina yolg‘iz jahongashtalikka yo‘l olishadi. Bu bilan ular o‘zlarini jiddiy tavakalchilikka mahkum etadilar. Sarguzasht talab tiplarga shunday turistlarni kiritish mumkinki, ma’lum tavakkalchilik bilan ular g‘ayrioddiy taasurotlar qidirishadi;

Tavakkalchilik – ular uchun o‘zini sinab ko‘rish imkoniyatiga ega bo‘lgan turistlardir.

Guruhlar bo‘yicha turistlarni klassifikatsiyalash ularning turmush tarziga ko‘ra tiplarini ajratishga yanada chuqurroq yondoshuvni ko‘zda tutadi, chunki kishini va xulqi – atvorini yuzakigina qarab chiqib bo‘lmaydi, uning hayotiy pozitsiyasi, turli narsalarga munosabati va xohish-istaklarini bilish ham muhim.
Turistlarni turmush tarziga ko‘ra guruhlarga ajratishda qandaydir alohidagi mezonlarr asos qilib olinmaydi, balki kishining o‘z hayotiga umumiy munosabatlari mezon bo‘ladi. Bu juda mushkul ish, jamiyatdagi iqtisodiy vaziyat va tendensiyalar singari vaqt o‘tishi bilan kuchli o‘zgarishga mahkum etilgan.
Turmush tarziga ko‘ra turistlar to‘rt guruhga ajratiladi: huzur-halovat ishqibozlari, tendensioz, oilaviy va mutloq dam oluvchi turistlarga bo‘linadi. Ushbu klassifikatsiyalashda shuni nazardan qochirmaslik kerakki, ajratilgan guruhlar doimiy ravishda o‘zgaradi va ular o‘rtasidagi chegara juda nozik va yaqin bo‘ladi.