1 а’meliy sabaq. Menejment teoriyasi pа’ninin’mazmuni maqseti ha’m waziypalari

1.3 Menedjment pa`ninin` basqa pa`nler menen o`z ara baylanısları

Menedjment-pa`ni basqarıw haqqındag`ı bilimler kompleksi bolıp tabıladı. Ol ekonomikalıq, sotsial, xuqıqıy ha`m basqa pa`nlar menen tıg`ız baylanıslı bolıp tabıladı.

Menedjment, birinshiden ekonomikalıq teoriya pa`ni menen jaqınnan baylanıslı bolıp esaplanadı. Ol ekonomikalıq nızamlardı bilip alıwg`a ha`m olarg`a sa`ykes tu`rde basqarıw protsessinde ekonomikalıq metodlardı qollawg`a, ha`r bir xızmetkerge ha`m komandag`a ta`sir etiwine tiykarlanadı. Bir qatar ekonomikalıq pa`nler: makroekonomika, mikroekonomika, statistika, keleshekti boljaw, miynet ekonomikası sıyaqlılar da menedjment pa`ni menen baylanıslı.

Basqarıw pa`ni menen yuridikalıq pa`nler ortasında turaqlı qatnasıqlar bar. Yuridikalıq pa`n basqarıw xızmetin qanday shen`berde a`melge asırıw kerekligin, huqıqıy normalardı qanday qollaw ha`mde xojalıq ju`ritiw protsessinde basqarıw organları, basqarıwshılar ha`m ayırım shaxslardın` normativlik hu`jjetlerden, nızamlardan paydalanıwın belgilep beredi.

Sotsiologiya, psixologiya ha`m miynet fiziologiyası basqarıw printsplerin islep shıg`ıwda u`lken rol` oynaydı.

Menedjment pa`ni basqarıwdın` ulıwma nızamlılıq u`yreniwshi informatsiyalıq-kommunikatsiyalıq texnologiyalar(İKT) pa`ni menen baylanıslı. Ol basqarıw qararların qabıl etiw ushın kerekli bolg`an informatsiyalardı analizlew ha`m qayta islew protsesslerin u`yrenedi. İKTnın` jetiskenlikleri:

• 
  basqarıwdag`ı informatsiya sistemasın jetilistiriwge;
  
• 
  basqarıw protsesin komp`yuterlestiriwge;
  
• 
  avtomatlastırılg`an basqarıw sistemasın jaratıwg`a ken` jol ashıp beredi.
  

Atap o`tilgen baylanıslı bolg`an pa`nlerdi teren` ha`mde ha`r ta`repleme u`yreniw basqarıwdın` sırların teren`nen biliwge, iyelewge ha`m onı na`tiyjeli qollawg`a imkaniyat jaratadı.