1 а’meliy sabaq. Menejment teoriyasi pа’ninin’mazmuni maqseti ha’m waziypalari

1.2 Menedjmenttin` predmeti ha`m izleniw usılları

Ha`r qanday pa`n o`z predmeti, teoriyası ha`m usıllarına iye. Predmet bul pa`n ne menen shug`ıllanıwı, onın` qaysı tarawg`a tiyisli ekenligin belgileydi. Teoriya bul tarawda bolıp o`tetug`ın qubılıs ha`m ha`diyselerdin` ju`z beriw qag`ıydaların anıqlaydı.

İzleniw usılları teoriyadan kelip shıqqan halda adamlardın` ilimiy ha`m a`meliy xızmeti qanday a`melge asıwın ko`rsetip beriwi, pa`nnin` usı tarawda ha`diyselerdi ulıwmalastırıp ha`m u`yreniwdin` tu`rli quralları ha`m usılları sistemasın islep shıg`ıw lazım.

Menedjmenttin` predmeti xojalıq ju`ritiwdin` barlıq da`rejelerinde basqarıwdın` nızamları, tarawların ha`m qatnasıqların u`yreniwden ibarat. Basqarıw qatnasıqları sotsiallıq-ekonomikalıq qatnasıqlardın` ajıralmas bo`legi bolıp tu`rli ekonomikalıq-sotsiallıq, miynet, psixologiyaalıq ha`m basqa ko`rinislerde boladı. Basqarıw qatnasıqları qol astındag`ı adamlar ortasındag`ı qatnasıq ha`m o`z-ara ta`sirin ta`riypleydi, demek menedjment bul adamlardı basqarıw bolıp esaplanadı.

Basqarıwdın` tiykarg`ı biliw usılı-dialektikalıq usıl bolıp, ol menedjmentte u`yrenilip otırg`an sotsiallıq ha`diyselerdin` mazmunın tu`sindiriwge ja`rdem beredi.

Menedjmentke to`mendegi basqada usıllar ta`n: waqıyalıq ha`diyselerdi u`yreniwge anıq tariyxıy qatnas jasaw; xojalıq mexanizm barlıq elementlerin bir waqıttın` o`zinde analizlenip ha`m tolıq basqarıw qararların islep shıg`ıw imka`niyatın beriwshi quramlıq qatnas jasaw; ekonomikalıq ta`jiriybeler ha`m basqalar.

Menedjment kursının` mazmunın ekonomikanı basqarıw, basqarıw strukturaları ha`m onı du`ziwdin` tu`rli xojalıq mexanizmi ha`m basqarıw usılları, basqarıw texnika ha`m texnologiyasının` teoriyalıq ha`m metodologiyalıq tiykarların u`yreniwler quraydı. Menedjment basqarıw xızmetinin` ulıwma qag`ıydaları ha`m tu`rleri, basqarıw strukturasına ta`sir usılların qa`liplestiredi, basqarıw apparatının` anıq ha`reketleri ha`m o`zin tutıw jag`dayların ulıwmalastıradı. Ekonomikanı basqarıwdın` teoriyalıq ha`m a`meliy ta`replerin u`yrenedi. Basqarıw teoriyası basqarıw xızmetinin` tarawların bir pu`tin ko`rinisinde, teoriyalıq analiz ha`m oylaw usılı tiykarında basqarıwdın` tiykarg`ı qag`ıydaların ha`m usılların ajıratıp u`yrenedi.