1-amaliy mashg‘ulot topshirig‘I

Kompozitsiya – musiqiy muhim elementlarning o‘zaro aloqalari asosida kelib chiqadigan badiiy asarning tuzilishi.

Musiqa shakli - musiqa asari kompozitsiyasining tarixan yuzaga kelgan turlari (bir qismli, ikki va uch qismli, rondo, sonata).

Musiqiy mavzu - badiiy obrazning asosiy, muhim xususiyat-larining dastlabki bayoni.

Rivojlov - musiqiy mavzuni to‘la yoki qisman holda, turlicha tonal- liklarda va turli ovozlarda o‘tkazilishi.

Davriya - gomofon fakturadagi mavzu bayonining tugallangan, bir qismli shakli.

Jumla - davriya bo‘linadigan ikkita, ba’zan esa uchta tuzilma.

Takroriy davriya - mavzu jihatidan o‘xshash, ammo, kadanslari turlicha bo‘lgan ikkita jumladan iborat davriya.

Yagona strukturali davriya - intonatsion rivojlanish jarayoni yagona ritmik-sintaksis struktura doirasida kechadigan davriya.

Murakkab davriya - har bir jumlasi o‘z navbatida 2 ta tuzilmaga bo‘linadigan davriya.

Modulyatsiyalashgan davriya - asosiy tonallikda tugallanmaydigan dav-riya.

Davriyadagi qo‘shimcha - davriya doirasidan chiqib ketgan va davriyaning yakunlovchi kadansidan keyin vujudga kelgan tuzilma.

Kengaytirilgan davriya - davriya doirasidagi takrorlash, to‘xtash va kadentsiyaning bo‘linishi natijasida hosil bo‘lgan davriyaning qismi.

Shakl qismlari - shaklning rivojlanish jarayonida biron-bir muhim rol o‘ynaydigan yoki kompozitsion vazifaga ega bo‘lgan tuzilmalar.

Ekspozitsiya (saraxbor) - asarning bir yoki bir necha mavzularining dastlabki bayoni.

Repriza - mavzuni yoki ekspozitsiya mavzusini rivojlanishning ayrim, oraliq bosqichidan keyingi takrorlanishi.

Tematik rivojlantirilgan tuzilmalar - ekspozitsiya mavzulari o‘z- gartirilgan tuzilmalar.

Epizod (lavha) - uzviy rivojlanish jarayonida yuzaga kelgan yangi mavzu.

Xotima - asar uzviy rivojlanishining tugallanish bosqichi.

Interlyudiya – oraliq tuzilma.

Bog‘lovchi tuzilmalar - reprizaning yoki yangi mavzuning paydo bo‘lishini tayyorlashga xizmat qiluvchi tuzilmalar.