1-Amaliy mashg’ulot. Ma'Lumotlar bazalariga kirish (asosiy atamalar, ta'riflar). Mb va at ning turkumlanishi

Ta’rif 4. Ma'lumotlar bazasi - bu ma’lumotlar (informatsiyalar)ni saqlash uchun mo‘ljallangan tashkiliy struktura. Ma’lumotlar bazasi elektron saqlash va qayta ishlash vositalariga bog'liq bo'lishi shart emas. (A.Sattorov, Ma’lumotlar bazasini boshqarish sistemasi, Toshkent 2006.)

Aniq masalani hal qilishda inson real dunyoni u yoki bu sohasi bilan cheklanadi. Bunday hollarda faqat ba’zibir ob’ektlarni o‘rganishgina qiziqish uyg‘otadi. Bunday ob’ektlarni majmuasini predmet soxa deyiladi.

Ob’ekt – bu ixtiyoriy predmet, xodisa, tushuncha yoki jarayondir.

Ma’lumot – bu uni ma’nosiga e’tibor bermay qaraladigan ixtiyoriy simvollar to‘plamidir. O‘zaro bog‘langan ma’lumotlar ma’lumotlar tizimi deyiladi. Barcha ob’ektlar atributlari orqali xarakterlanadi. Masalan, ob’ekt sifatida kompyuterni qarasak, kompyuter ob’ektini atributi sifatida hisoblash tezligini, operativ xotira hajmi, o‘lchamlari va boshqalarni ko‘rish mumkin. Atributlarda saqlanadigan xabarlar ma’lumotlarni qiymatlari deyiladi. Masalan, operativ xotira xajmi 128 MB, EHM hisoblash tezligi sekundiga 5 mln.ta amal.