1-Amaliy mashg`ulot: Bolalarning predmetlar shaklini idrok qilishining xususiyatlari. Ishning maqsadi

Mashg‘ulotlarni tashkil etish.

Kichik guruhda mashg‘ulotlarni tashkil etish.

GEOMETRIK SHAKLLAR

Mavzu: Uchburchak shakli bilan tanishish

(kichik guruhlarda)

Maqsad:

Bolalarni uchburchak bilan tanishtirish, nomini to`g`ri aytishni va

farqlashni o`rgatish.

Kutilayotgan natija:

Bolalar uchburchak shaklini bilib oladilar.

Kerakli jihozlar:

,,Sehrli xaltacha`` da har xil rangdagi kvadrat va uchburchaklar

Flanelegraf.

Tarqatma material:

Har bir bolaga kvadrat va uchburchaklar.

Savatchada kichik o`yinchoqlar(3-4 tadan).

1- rasm (har bir bolaga).

Plakat va geometrik shakllar (doira, kvadrat, uchburchak) to`plami.

Mashg`ulotning borishi:

,,Qiziq, ,,Sehrli xaltacha``da nima bor ekan?``- so`raydi tarbiyachi.

U xaltachadan kvadratni chiqarib oladi va bolalarga ko`rsatadi.,, Bu shakl qanday nomlanadi? U qanday rangda? Bolalar, sizlar ham kvadratlaringizni ko`rsatinglar. Yaxshi. ,,Sehrli xaltacha``da yana nimalardir bor``. Tarbiyachi uchburchakni ko`rsatib tushuntiradi: ,,Bu uchburchak. U qanday rangda? Sizlarda uchburchak bormi? Qani, uchburchakni o`ng qo`lda ushlab baland ko`taringlarchi. Yulduzdagi uchburchak qanday rangda? Kamolning uchburchagi qanday

rangda? ``Tarbiyachi uchburchakning konturi bo`ylab qo`lini yurgizib chiqadi, bolalarni ham qo`lini havoda shunday harakat qilishga o`rgatadi.

,,Biz qanday shakl ustidan barmog`imizni yurgizib chiqdik? Oldin uchburchakning chetidan, keyin keyin kvadratning chetidan o`ng qo`lingizning ko`rsatkich barmog`ini yurgizib chiqing.

Uchburchakni yumalatib ko`ramiz. Uchburchak yumaladimi? Yo`q. Nima uchun? To`g`ri burchaklari xalaqit beradi. Kvadart yumalaydimi?

Kvadrat yumalamaydi, chunki unga ham burchaklari xalaqit beradi.

Uchburchakni chap qo`lda , kvadratni o`ng qo`lda ushlanglar. Uchburchakni chapga, kvadratni o`ngga qo`yinglar``. Chapdagi uchburchakning ustiga bitta sabzi, o`ngdagi kvadratning ustiga ko`p sabzi qo`ying. Tarbiyachi: ,,Uchburchak va kvadratning qanchadan sabzi qo`ydingiz?``- deb so`raydi. Bolalar: ,,Uchburchakning ustiga bitta sabzi qo`ydik, kvadratning ustiga ko`p sabzi qo`ydik``, deb javob beradilar. Atrofimizdagi qaysi predmetlar uchburchak shakliga o`xshaydi?