1. алкенлар а номланиши ва изомерияси

АЦЕТИЛЕН УГЛЕВОДОРОДЛАРИ (АЛКИНЛАР)
Ацетилен углеводородларининг умумий формуласи С_nH_2n-2 бўлиб, уларнинг тузилишида – С  С – боғланиш мавжуд бўлади. Бунда углерод-углерод орасидаги боғланишга сарф бўлган электронлар sp-гибридланган ҳолатда бўладилар. Ацетилен углеводородларининг дастлабки вакили ацетилен СН  СН дир.
Алкинлар тарихидан:
Ацетилен биринчи марта 1836 йили Эдмундом Дэви машҳур инглиз химиги Гемфри Дэвининг жияни калий ацетат тузини ёғоч кўмир билан қиздириб олинган калий карбидни сув билан реакциясидан олган эди. Деви уни «икки углеродли водород» деб номлаган эди. 1862 йили немец химиги ва врачи Ф. Вёлер кальций карбидга сув таъсир эттириб ацетилен олган эди. 1863 француз химиги М. Бертло қиздирилган графит электроди устидан водород газини ўтказиб ацетилен олган эди. Биринчи бўлиб ацетилен сўзини Бертло ишлатган эди, рус тилида эса Д.И.Менделеев киритган эди. 1895 йилда Ле Шателье ацетилен кислородда ёнганда катта иссиқлик беришини аниқлаб, металларни қирқиш ва пайвандлашда ишлатишни аниқлаган. Ацетилен кимёсига асосан А. Е. Фаворский катта хисса қўшган.
1864 йил Кекуле натрий малеат ёки фумуратлардан ацетилен олган

Изомерияси ва номенклатураси. Ацетилен углеводородларида структура изомерияси С₄Н₆ дан бошланади. Ацетилен углеводородлари изомерларининг сони этилен углеводородлариникига нисбатан кам, тўйинган углеводородларникига нисбатан эса кўп. Масалан, углеродлари сони 8 га тенг бўлган тўйинган углеводородлар изомерларининг сони 18 га, этилен углеводородлариниг сони 66 га, ацетилен углеводородлари изомерлари сони эса 32 га тенг. Бунинг сабаби ацетилен углеводородларида структура изомерияси мавжуд ва уларда учбоғнинг жойлашувига нисбатан ҳам изомерлар ҳосил бўлади. Шунинг учун улар изомерларининг сони тенг углерод сақловчи тўйинган углеводородларникига нисбатан кўп. Аммо уларда фазовий изомерия мавжуд эмас.
Ацетилен углеводородлари асосан рационал ва систематик номенклатуралар асосида номланади. Систематик номенклатура бўйича номлашда уларнинг номи ацетилен углеводородларига мос келадиган (яъни углерод атомларининг сони тенг бўлган) тўйинган углеводород иони охиридаги –ан қўшимчаси –ин қўшимчаси билан алмаштирилади. Учбоғ ва радикалларнинг ҳолати рақамлар билан кўрсатилади.