1 – топшириқ. Кeракли жиҳозлар

Чангдоннинг тузилиши. Чангдон эпидерма, фиброз, тапетум ва ўтказувчи тўқималардан ташқил топган. Эпидерма чангдон сиртини ўраб туради. Фиброз эпидермага нисбатан перпендикуляр равишда ичкаридан тик ҳолатда жойлашган. Тапетум чангдоннинг запас озиқ моддаларга бой бўлган ички қавати ҳисобланади. У чанг етилишида катта аҳамиятга эга. Тапетум паренхима ҳужайралардан иборат бўлиб, чанг хоналари атрофида жойлашган.
Чангдоннинг марказий қисмида ўтказувчи тўқима жойлашган, у сув ва органиқ моддаларни ўтказиш функциясини бажаради.
Чангнинг тузилиши. Чанг­доннинг марказий қисмида чанг — микроспоралар шаклланади. Уларнинг шакли овалсимон, юмалоқ, уч қиррали, кўп қиррали, таёкчасимон, кубсимон, ипсимон, қанотчали ва тиканли бўлади. Ўсимликлар турига қараб, чангнинг йирик-майдалиги турлича бўлади. Масалан, 0,008 мм дан 0,2 мм гача етади. Чанг асосан сарғиш рангда бўлади, айрим ҳолларда қизил, қўнғир, кўк ва оқ ранглилари ҳам учрайди.
Чангни микроскопнинг кат­та объективида кузатсак, икки қаватдан ташкил топганини кўрампз. Ташқи қавати кутикуладан иборат бўлиб, экзина деб аталса, ички қавати юпқа ва пектин моддасига бой бўлиб, интина деб аталади. Таркибида ҳар хил катталикдаги иккита ҳужайра бўлиб, унинг йириги вегетатив ҳужайра бўлиб, у чанг найчасини ҳосил қилади, лекин уруғланишда иштирок этмайди. Иккинчиси кичик бўлиб, генератив ҳужайрадир; у ривожланиш босқичида ядроси бўлиниб, иккита генератив ядро — спермия ҳосил қилади ва уруғланишда иштирок этади.
Топшириқ. Тўлиқ ва тўлиқ бўлмаган, тўғри ва нотўғри гулларни аниқланг. Чангчининг морфологик тузилишини лупада кўриб, анализ қилинг. Микроскопда чангчининг анатомик тузилишини кўриб ўрганинг. Расмини чизиб олинг ва қисмларини номланг.