1- мавзу: Қурилиш ташкилотларида бухгалтерия ҳисобини ташкил қилиш асослари

240	Даромад(фойда) солиғини тўлагунга қадар фойда (зарар)
220-сатр (+ -) 230-сатр. Фойда суммаси даромадлар устунчасида, зарар суммаси эса харажатлар устунчасида кўрсатилади
250	Даромад(фойда) солиғи	Даромад(фойда) солиғи фойдани ишлатилиши ҳисоби учун мўлжал-ланган 9810 счётнинг дебет оборот суммаси харажатлар устунчасига ёзилади
260	Фойдадан бошқа солиқлар ва йиғимлар	Фойдадан бошқа солиқлар ва йиғимлар ҳисоби учун мўлжал-ланган 9820,9830 счётларнинг дебет оборот суммалари харажатлар устунчасига ёзилади
270	Ҳисобот даврининг соф фойдаси (зарари)	240 –сатр – 250-сатр – 260-сатр. Фойда суммаси даромадлар устунчасида, зарар суммаси эса харажатлар устунчасида кўрсати-лади

Асосий воситалар ҳаракати тўғрисида ҳисобот (3-шакл)

Бу ҳисоботнинг асосий мақсади – қурилиш ташкилоти асосий воситалари, шунингдек улар эскиришининг ҳолати ва ҳаракати тўғрисида йиғма маълумотларни бериш. Ҳисобот 12 та устунчадан иборот, унинг 1 ва 2- устунчаларида асосий воситаларни гуруҳларининг номи ва сатр рақамлари кўрсатилади. 3, 4, 5, 6-устунчаларида асосий воситаларнинг давр бошидаги қолдиғи, ҳисобот давридаги кирими ва чиқими, давр охиридаги қолдиғининг суммалари бошланғич қиймат бўйича кўрсатилади. Ҳисоботнинг 7, 8, 9, 1-сатрлари асосий воситалар бўйича жамланган эскиришнинг давр бошидаги қолдиғи, унинг ҳисобот давридаги кўпайиши ва камайиши, давр охиридаги қолдиғи суммаларини кўрсатишга мўлжалланган.

Ҳисоботнинг 11 ва 12-сатрларида мос равишда йил бошига ва йил охирига асосий воситаларнинг қолдиқ қиймат кўрсатилади. Ҳисоботнинг 010-сатридан то 160-сатригача юқорида келтирилган маълумотлар асосий воситаларнинг алоҳида гуруҳлари бўйича берилади. 170-сатрда ушбу маълумотлар барча асосий воситалар бўйича жамлаб кўрсатилади. Ҳисоботнинг 171- 172-сатрларида қурилиш ташкилотлари асосий воситаларининг ҳолати ва харакатига доир маълумотлар ишлаб чиқаришдаги иштирокига кўра гуруҳланиб кўрсатилади.
Ҳисоботда асосий воситаларга сарфланган кейингм инвестициялар, шу жумладан тугалланмаган қурилиш тўғрисидаги ахборотлар ҳам маълумот тариқасида келтирилади (180,181,182,183,190-сатрлар).
Асосий воситалар харакати тўғрисида ҳисоботни тузишга асос бўлиб 0100 «Асосий воситалар ҳисоби счётлари», 0200 «Асосий воситаларнинг эскириши ҳисоби счётлари», 0300 «Узоқ муддатли ижара шартномаси бўйича олинган асосий воситалар ҳисоби счётлари», 0800 «Капитал қуйилмалар ҳисоби счётлари»ининг маълумотлари ҳисобланади.