1- mavzu: O’zbekiston Respublikasida jismoniy tarbiya sport Reja

Reflektor mashqlar. Bola hayotining dastlabki oylaridan boshlab oyoq, qo’l va tana muskullarining rivoji uchun reflektor mashqlardan foydalaniladi, bu mashqlar uchun tovon, yelka, qo’l terilarining ta’sirlanishiga javob sifatida bajariladigan harakatlar asos qilib olingan.
Chaqaloq 2 oyligida teri muskullariga xos reflekslar asos qilib olingan mashqlardan foydalaniladi.
Birinchi mashq shundan iboratki, ona chaqaloq tovonining chetiga yaqin joyni barmog’i bilan asta bosadi, unga javoban bola oyoq barmoqlarini bukadi. Oyoq panjasi va kaftining tashqi yuzasi bosilsa, u barmoqlarini yozadi.
Keyingi mashq – reflektor emaklash. Bola qorni bilan yotadi. Ona kaftini bolaning tovoniga tiraydi, chaqaloq reflektor tarzda oyog’ini cho’zib, onaning harakatsiz turgan qo’lidan itarilib oldinga emaklagandek bo’ladi.
1,5 oydan -3 oygacha bo’lgan bolalar uchun:
1. Qo’llarni silab massaj qilish.
2. Oyoqlarni silab massaj qilish.
3. Qornini silab massaj qilish.
4.Umurtqa pog’onasini refleks yo’li bilan rostlash – yozish (orqa refleksi)
5. Orqani massaj qilish. (2 oylikdan boshlab)
6. Umurtqa pog’onasi va oyoqlarni yozish (vaziyat refleksi)
7. Oyoq panjasini massaj qilish.
8. “O’yinga tushirish” (oyoq refleksi)
3 oylikdan 4 oylikkacha bo’lgan bolalar uchun namuna kompleks.
1. Qo’llarni massaj qilish, silash.
2. Qo’llarni ko’krakda chalkashtirish va yon tomonga uzatish.
3. Qornini massaj qilish – silash va uqalash.
4. Oyoqlarni massaj qilish-uqalash.
5. Boldirni halqa shaklida uqalash.
6. Chalqancha yotgan holatdan qorniga ag’darish (reflektor mashqlar)
7. Orqani massaj qilish – uqalash.
8. Umurtqa pog’onasi va oyoqlarni yozish (holat refleksi)
9. Oyoq panjasini massaj qilish – silash.


3.Ilk yoshdagi bolalar bilan o’tkaziladigan chiniqtirish tadbirlari Bolalar sog’lig’ini mustahkamlashda, tabiatning tabiiy omillaridan (havo, suv, quyosh) chiniqtirish maqsadida foydalanish ham katta ahamiyatga ega. Bolalar organizmi chiniqtirilganda sog’lig’i mustahkamlanadi, bolalar muskul mushaklarini va suyaklarini rivojlanishiga yordam beradi, qon tarkibi va modda almashinuvini yaxshilaydi. Chiniqtirish mualojalarni o’tkazishdan avval gigiyenik sharoitlarni yaratish lozim. Buning uchun xona havosi toza bo’lishi, bolani ob – havoga qarab kiyintirish kerak, xonani muntazam ravishda kuniga 4-5 mahal shamollatib turish, yoz mavsumida esa derazalarni ochib qo’yish kerak. Go’dak bolalarni chiniqtirishda quyidagi mezonlarga rioya qilish kerak.
1.Chiniqtiruvchi muolajalarni tayinlashda bolani sog’lig’i, jismonan va ruhan rivojlangani hisobga olinadi. Chiniqtirishni boshlashdan oldin bolani albatta shifokorga ko’rsatish lozim. 2.Chiniqtiruvchi muolajalar miqdori sekin-asta oshirilib boriladi. 3.Chiniqtiruvchi muolajalarni muntazam ravishda, ya’ni har zamonda emas, balki har kuni, ma’lum bir jadvalga asoslangan holda olib borish kerak. Agar uzoq tanaffus qilguday bo’lsa, organizmning hosil qilgan himoya reaksiyalari susayib qoladi. 4. Chiniqtirishni bir yo’la turli xilda va har xil uslublarda kompleks olib borishning ahamiyati katta. Chunki bola organizmida bir xil muoalajalar olib borilsa u bir tomonlama chiniqadi. Shuning uchun uni har tomonlama chiniqtirish kerak. Quyoshdan, havodan va suvdan alohida – alohida va birgalikda foydalanish kerak bo’ladi.