1 – Амалий машғулот “метрология тўҒрисида”ги ўзбекистoн республикaси қонунини ўрганиш

1 – Амалий машғулот

“МЕТРОЛОГИЯ ТЎҒРИСИДА”ГИ

ЎЗБЕКИСТOН РЕСПУБЛИКAСИ ҚОНУНИНИ ЎРГАНИШ

Режа:

1. 
   “Метрология тўғрисида”ги Ўзбекистoн Республикaси қонуни тузилмасини қисқача таҳлили.
   
2. 
   Метрология бўйича асосий атамалар ва таърифлар.
   

Таянч сўзлар: метрология, ўлчаш воситаси, давлат эталони, давлат метрология назорати, метрологик хизмат, метрологик таъминот ва бошқалар

Замонавий педагогик технология элементларидан, масалан интерактив методини қўллаб дарс ўтилади.

Дарсда техник восита ва кўргазмали қуроллардан кенг фойдаланилади (кодоскоп, проектор, плакат ва ҳоказо).
Талабалар тарқатма материаллар билан таъминланадилар.
Талабалар мустақил фикрлаши учун тўла шароит яратилади.

“Метрология тўғрисида”ги Ўзбекистoн Республикaси қонуни тузилмасини қичқача таҳлили

Маълумки, 1993 йилнинг 28 декабрида Ўзбекистон Республикаси Президенти томонидан кетма-кет учта, яъни “Стандартлаштириш тўғрисида”, “Метрология тўғрисида” ва “Маҳсулот ва хизматларни сертификатлаштириш” Қонунлари имзоланган эди. Бу қонунларнинг ҳаётга тадбиқ этилиши республикамиздаги мавжуд метрология хизматини янги ривожланиш босқичига кўтарилишига асос бўлди. Шулардан бири, яъни “Метрология тўғрисида” ги қонун устида бироз тўхталиб ўтамиз.

Бу қонун республикамизда метрологиянинг ривожланишига ва метрологик таъминот масалаларини ҳал этишнинг мутлақо янги босқичига олиб кирди.
“Метрология тўғрисида” ги қонун 5 бўлимдан иборат бўлиб, бу бўлимлар 21 моддани ўз ичига олган. Республикамизда метрология хизматини йўлга қўйиш ва бунда жисмоний ва юридик шахсларнинг иштироки ва функциялари, бу борадаги жавобгарликлар бўйича кенг маълумотлар берилган.
Мазкур қонун қуйидаги бўлимлардан иборат:
1 бўлим. Умумий қоидалар (1-4.1 моддалар).
2 бўлим. Физик ўлчам бирликлари, уларни қайта ҳосил қилиш ва қўллаш. (5-8 моддалар).
3 бўлим. Ўзбекистон Республикасининг метрология хизматлари. (9-11 моддалар).
4 бўлим. Давлат метрология текшируви ва назорати. (12-19 моддалар).
5 бўлим. Метрология ишларини молиявий таъминлаш. (20-21 моддалар).