019 yilning yanvaridan kuchga kiradigan yangi Soliq kodeksi qanday boʻlishi kerakligi haqida prezident farmoni imzolandi

Eski tahrirdagi soliq kodeksidan o‘rin olgan imtiyozlar 1 apreldan bekor qilinadi

Soliq kodeksining eski tahririda nazarda tutilgan imtiyozlar 1 apreldan boshlab bekor qilinishi belgilandi. Ushbu amaliyot iqtisodiyotda raqobat muhitining shakllanishiga xalal berayotgan soliq imtiyozlarni nazarda tutadi. Shu bilan birga, soliqqa tortishdagi ayrim imtiyozlar saqlanib qoladi.

17 fevral 2020, 14:19   Iqtisodiyot  

17 fevral kuni Axborot va ommaviy kommunikatsiyalar agentligida o‘tkazilgan matbuot anjumanida davlat soliq qo‘mitasi raisi o‘rinbosari Fazliddin Umarov soliq imtiyozlari va ularni tayinlash tartibiga izoh berdi.

Uning aytishicha, eng muhim urg‘u ijtimoiy ahamiyatga ega bo‘lgan (ta’lim, tibbiyot, madaniyat, maishiy xizmat) soliq imtiyozlariga qaratilgan va ular saqlanib qolindi.

«Bundan tashqari, iqtisodiyotning muhim tarmoqlari uchun O‘zbekiston Respublikasi prezidenti va Vazirlar Mahkamasining qarorlarida nazarda tutilgan imtiyozlar ularning amal qilish muddati tugaguniga qadar amal qilishi belgilandi. Endilikda imtiyoz faqat prezident tomonidan taqdim etilishi mumkin», — dedi u.

Yangi tahrirdagi Soliq kodeksi bilan soliq imtiyozlar berishning yangi prinsipi hujjatning 75-moddasida bayon etilgan.

Jumladan, asosan ayrim soliqlar bo‘yicha soliq imtiyozlari (QQS, aksiz solig‘i va yer qa’ridan foydalanganlik uchun soliqdan tashqari) O‘zbekiston prezidentining qarorlari bilan faqat belgilangan soliq stavkasini kamaytirish, lekin ko‘pi bilan 50 foizga kamaytirish tarzida hamda ko‘pi bilan uch yil muddatga berilishi mumkinligi belgilangan.

«Shu bilan birga, yangi tahrirdagi Soliq kodeksida moliyaviy qiyinchilikka duch kelgan korxonalarni hukumat tomonidan qo‘llab quvvatlash maqsadida, soliqlarni to‘lash muddatlarini o‘zgartirish yoki bo‘lib-bo‘lib to‘lash imkonini berish bo‘yicha me’yor kiritildi», — deya qayd etdi Umarov.