019 йил ноябрь, ЎРҚ-580-сон Ўзбекистон Республикасининг Қонуни «Банклар ва банк фаолияти тўғрисида»

80-модда. Мажбурий тугатиш
Банк Марказий банк бошқарувининг лицензияни чақириб олиш тўғрисидаги қарори асосида мажбурий тугатилади.
Банкни мажбурий тугатиш чоғида тугатиш комиссияси Марказий банк томонидан тайинланади.
Марказий банк тугатиш комиссияси таркибига Марказий банк ходимларини киритишга ҳақли.
81-модда. Тугатиш комиссиясининг ваколатлари
Тугатиш комиссияси тайинланган пайтдан эътиборан банк ишларини бошқариш бўйича, шу жумладан банк акциядорларининг умумий йиғилиши, кузатув кенгаши ва бошқаруви ваколатлари ушбу комиссияга ўтади.
Тугатиш комиссияси тайинланган санадан эътиборан икки кун ичида оммавий ахборот воситаларида, шунингдек банкнинг расмий веб-сайтида банк тугатилганлиги, шу жумладан унинг омонатчилари ва кредиторлари томонидан талабларни қаноатлантириш тўғрисидаги аризаларни бериш тартиби ва муддатлари тўғрисидаги эълонни чоп этиши шарт. Талабларни тақдим этиш муддати банк тугатилганлиги тўғрисидаги хабар эълон қилинган кундан эътиборан икки ойни ташкил этади ва мазкур муддат тугаганидан сўнг тугатиш комиссияси томонидан талаблар қабул қилинмайди.
Тугатиш комиссияси қимматли қоғозлар бозори тўғрисидаги қонунчиликка мувофиқ ахборотни ҳам ошкор қилиши керак.
Тугатиш комиссияси лицензия чақириб олинган кундан эътиборан икки ой ичида кредиторларни аниқлаш ҳамда дебиторлик қарзларини ва Марказий банкнинг мажбурий захиралар жамғармасида депозитга қўйилган маблағларни олиш чораларини кўради. Мазкур маблағлар биринчи навбатда тугатилаётган банкнинг қарзларини жисмоний шахсларнинг талаблари асосида тўлашга қаратилади, бундан банкка алоқадор бўлган шахслар мустасно.


12-БОБ. Якунловчи қоидалар
82-модда. Низоларни ҳал этиш
Банк ва унинг мижозлари ўртасидаги низолар қонунчиликда белгиланган тартибда ҳал қилинади.
83-модда. Банклар ва банк фаолияти тўғрисидаги қонунчиликни бузганлик учун жавобгарлик
Банклар ва банк фаолияти тўғрисидаги қонунчиликни бузганликда айбдор шахслар белгиланган тартибда жавобгар бўлади.