Ó zbekstan respublikasi joqari hám orta arnawli bilimlendiriw ministrligi berdaq atindaǵi qaraqalpaq mámleketlik universiteti

Fayllardı arxivlew

Arxivlanǵan fayl - bul fayldıń ıqshamlanǵan, qısılǵan jaǵdayı. Ámelde fayllar menen islewde, fayllardı bir kompyuterden ekinshi kompyuterge kóshiriwde, diskka jaylawda, saqlap qoyıwda, elektron pochta arqalı informaciya jiberiwde bunday fayllar menen islew zárúrshiligi payda boladı.

Fayllardı arxivlew - fayllardı arxivlaw procesi arqalı qısılǵan, ıqshamlanǵan jaǵdayda diskta saqlaw bolıp esaplanadı. Arxivlaw qattı disk isten shıǵıwı yamasa fayldıń kútilmegende óshiriliwi júz bergen jaǵdaylarda ámeldegi fayldı qayta qayta tiklew ushın járdem beretuǵın qural retindede qollanıladı.

Ulıwma arxivlaw - bul uzaq múddet saqlanıwshı fayllar, kem qollanılatuǵın, eski hújjetler, hár túrlı materiallar, kórkem ádebiyatqa baylanıslı hám ilimiy maqalalar, súwret hám basqalardı saqlaw ushın qollanıladı. Arxiv bir qansha bólimlerden ibarat bolıwı hám ol jaǵdayda hár bir fayl bólek kóriniste saqlanıwı múmkin. Bunday arxiv faylları kóp tóbeli dep ataladı. Sonday arxivlardan úlken kólemli maǵlıwmatların bólimlerge bólıp disketalarga siyatin, qolay kóriniske keltiriw ushın paydalanıw múmkin. Bunda hár bir bólim fayl da arxiv faylı dep ataladı.

Arxiv payda etiw procesi - arxivlaw (arxivatsiya) dep ataladı.

Qısılǵan fayldı eski halina qaytarıw arxivlardı ashıw (razarxivatsiya) dep ataladı. Arxivlawdı fayllar toparı, tolıq fayllar strukturası boyınsha yamasa papkalar boyınshada qılıw múmkin. Arxivlanıwshı fayllarda papkalar kóp bolsa, olardı aldın bir papkaǵa jıynap alıw jumıstı ańsatlastiradi. Elektron pochta hám Internet ortalıǵında arxivlanǵan haldaǵı maǵlıwmatlardı almastiriw bir qatar qolaylıqlardi jaratadı.

Arxivlaw processinde ayırım fayllar áp-áneydey ıqshamlanıwı, bazi jaǵdaylarda arxivlaw nátiyjesinde baslanǵısh fayl 10 - 20 esesine qısılıwı da múmkin. Mısalı, programma fayllarına salıstırǵanda tekst hám súwret faylları birtalay jaqsı ıqshamlanadı.

Házirgi kúnde hár túrlı arxivatorlar bir-birinen qısıw dárejesi, tezligi, paydalanıwda qolaylıqları, múmkinshilik dárejesi boyınsha parıq etedi. Paydalanıwshı hár túrlı túrdegi arxiv faylların keńeytpesi boyınsha parıqlaydı. Qısıw túri - sol arxivdıń formatı dep ataladı.

Arxivlanǵan fayl arxivda qaysı fayllar bar ekenin bildiriwshi bas betke iye boladı. Arxiv basında ol jaǵdayda saqlanıwshı hár bir fayl ushın tómendegi maǵlıwmatlar saqlanadı :

• fayl atı ;

• fayl saqlanıwshı katalog haqqında maǵlıwmat ;

• fayldıń aqırǵı ret qayta islengen sánesi hám waqıtı ;

• fayldıń disktaǵı hám arxivdegi ólshemi;

• arxivdıń tolıqlıǵın tekseriwde isletiletuǵın hár bir fayldıń ciklik tekseriw kodı.

Arxiv fayllar ápiwayı fayllar sıyaqlı ataladı. Tómende biz Windows ortalıǵında fayllardı arxivlaw ushın jaratqan WinRar programması menen tanısıp shıǵamız.