“ Ўзбекистоннинг тарақҚиёт стратегияси: фуқоролик жамияти ” фанидан

Биринчиси – таъсирчанлик. Бизнинг ҳар бир сўзимиз таъсирчан, жозибали, тингловчи қалбини жунбушга келтирадиган, унинг онгу шуурида мустаҳкам ўрнашадиган, феъл-атворини яхшилик сари буришга таъсир ўтказадиган бўлмоғи лозим.
Иккинчиси – ҳозиржавоблик. Маълумки, ахборот хуружи авж олаётган бир пайтда тингловчини ҳайратга қолдириш осон эмас. Хусусан, талаба ёшларнинг, кенг имкониятларини, интернет тизимидан фойдаланишга бўлган катта қизиқишини назарда тутсак, ғоявий-тарбиявий ишларда ҳозиржавоблик, бугуннинг гапини айта олиш, бугуннинг муаммосига объектив ёндоша олиш, тингловчини бунга ишонтира билиш алоҳида тайёргарликни ва қобилиятни, юксак билимлар савиясини тақозо этади.
Учинчиси – конкретлилик. Фикрларимиз аниқ, лўнда, тингловчи онгига тез кира оладиган, қалбини забт эта оладиган бўлмоғи лозим. Кўпсўзлилик аудиторияни зириктириб қуяди. Ҳозирги тезкор ва шиддатли замон таъсирида шаклланаётган ёшлар руҳиятини эгаллаш учун қисқа, аниқ, лўнда ва исбот талаб қилмайдиган хулосалар билан минбарга чиқиш самара бериши мумкин, холос.
Бу ўз-ўзидан жуда катта билим, замонавий жараёнлардан ҳабардорлик ва улар моҳиятини чуқур тушунганлик, мавжуд фикр ва хулосаларни етарли даражада жозибадор қилиб етказа олиш тажрибасини тақозо этади. Демак, нотиқлик санъати, сўз жозибаси муҳим омил бўлиб хизмат қилади. Агар Биз ана шундай натижага эришсак Ҳаракатлар Стратегияси олдимизга қўйган вазифаларни уддалаган бўламиз.
Ўзбекистон Республикаси Президенти Ш.М.Мирзиёевнинг 2017 йил 5 июлда қабул қилган “Ёшларга оид давлат сиёсати самарадорлигини ошириш ва Ўзбекистон ёшлар иттифоқи фаолиятини қўллаб-қувватлаш тўғрисида”ги фармони ёшларга доир ислоҳотларнинг бутунлай янги даврини бошлаб берди. Жумладан фармонда қуйидагилар белгиланди.

• 
  Ўзбекистон “Камолот” Ёшлар Ижтимоий Харакатининг 2017 йил 30 июнь куни бўлиб ўтган VI-қурултойи қарорига мувофиқ Ўзбекистон Ёшлар Иттифоқи ташкил этилганлиги қўллаб қувватланади.
  
• 
  Ўзбекистон Ёшлар Иттифоқи ташкил этилган кун – 30 июнь мамлакатимизда “Ёшлар куни” деб эълон қилинди. Ўзбекистон Ёшлар Иттифоқи фаолиятининг устивор йўналишлари сифатида қуйидагилар белгиланди:
  

Биринчидан, Ўзбекистон Ёшлар Иттифоқини республикада ёшларга оид давлат сиёсатининг амалга оширилишида давлат органлари, нодавлат –нотижорат ташкилотлари ва фуқаролик жамиятининг бошқа институтлари билан самарали ҳамкорликни таъминловчи, “Ёшлар — келажак бунёдкори” шиори остида профессионал фаолиятни амалга оширувчи тузилмага айлантириш;