Ў збекистон республикаси олий ва ўрта махсус таълим вазирлиги тошкент давлат иқтисодиёт университети

АЛЬБОМ ТАЙЁРЛАШ ТАРТИБИ
Талаба ёшлар альбом тайёрлаш мобайнида яшаб турган махалласига шахсий фикрларидан иборат бўлган таърифларини, ҳамда халқ мақоллари, шеърлар, хадислардан намуналар ва ҳаётий мисоллар келтиришлари лозим. Ўз махалласини бошқа ёки қўшни махалласидан фарқловчи сифатларини алоҳида таъкидлаб ўтишлари керак.
Альбомнинг титул варағи қуйидагича расмийлаштирилади (намуна илова этилади):

1. 
   Олий таълим муассасаси номи
   
2. 
   Факультет номи
   
3. 
   Кафедра ва фаннинг номи
   
4. 
   Мустақил иш мавзуси
   
5. 
   Бажарувчи
   
6. 
   Қабул қилувчи
   

Альбом учун тавсия этиладиган мундарижа:

1. 
   Кириш (Махалласига таърифлар)
   
2. 
   Махалла тарихи
   
3. 
   Махалла ҳақида умумий маълумотлар
   
4. 
   Махалланиниг фахри бўлган ва бўлиб келаётган инсонлар тўғрисида
   
5. 
   Махалланинг ижтимоий-иқтисодий тараққиёти
   
6. 
   Махалланинг маданий-маърифий тараққиёти
   

МУСТАҚИЛ ИШНИ ТАҚДИМОТ ШАКЛИДА
ҚАБУЛ ҚИЛИШ ТАРТИБИ, МАЗМУНИ ВА
РАСМИЙЛАШТИРИШ ТАРТИБИ

Мустақил иш оғзаки шаклда тақдим этилади. Бунда талабалар ўзи истиқомат қиладиган махалланининг маълумотларини, ушбу махалланинг қадрли жихати, фахрланишга арзигулик томонларини кўрсатиб, мазмунли, ифодали, аниқ ва тушунарли тилда тушунтириб бериши керак. Оғзаки жавоблари хулоса ва таклифлар билан якунланиши керак.

Мустақил иш мавзусининг долзарблиги, мақсади, вазифаси билан биргаликда тадқиқот натижаларининг назарий ва амалий аҳамияти ёритиб берилиши керак.
Мустақил иш тақдимоти дарс ўтилган тилда тайёрланиши ва ҳимоя қилиниши лозим.
Мустақил ишни ҳимоя қилишда тайёрланган альбом мавзунинг мазмунини тўлиқ ёритишга қаратилиши керак: матнда кетма-кетлик бузилмаслиги ва изчиликка риоя қилиниши шарт. Матнда янги фикрни ифодалайдиган жумлалар абзацдан ёзилади. Тугатилмаган қисмлар бошқа бетларга ўтказилмайди. Агар бирор манбалардан мисоллар келтирилса, албатта уларнинг манбаси (ҳавола) саҳифанинг энг пастки қисмида чизиқ тагида сатр бошидан ёзилади. Агар бир нечта манба келтирилса, ҳаволалар тартиб рақами билан кўрсатилади.
Мустақил иш тайёр альбом ёки тақдимот усулида тайёрланиши мумкин. Мустақил иш матнини компьютер воситасида босиб чиқаришда Мiсrоsоft Wоrd матн редакторидан фойдаланиш тавсия қилинади. Тақдимот усулидаги слайдлар Power Point дастурида амалга оширилади. Берилган расм, суръат тагида шарх ёзилиши керак.