Ў з б е к и с т о н д а в л а т с т а н д а р т и

Ishlab chiqarish va diplom oldi amaliyoti bloki:
nazariy bilim va amaliy koʻnikmalarni ishlab chiqarishda qoʻllagan holda malakani shakllantirish;
korxona, tashkilot va muassasalardagi mehnat muhofaza qilish qoidalari bilan tanishish;
amaliyot davrida kelgusidagi ish joyida ishlash koʻnikmasini shakllantirish;
jamoada ishlash koʻnikmalarini shakllantirish;
bitiruv malakaviy ishi boʻyicha ma’lumot toʻplash va uni tayyorlash.
5.3. Mutaxassislik va kasblarning oʻquv yuklamasi
Oʻrta maxsus professional ta’lim darajasida kadrlar tayyorlash Xalqaro tasniflagichning kamida 3- yoki 4-darajasiga mos ta’lim dasturlarini tamomlagan yoki umumiy oʻrta ma’lumotga ega boʻlgan shaxslar hisobidan “Hayot davomida ta’lim olish” printsipi asosida kasblar va mutaxassisliklarning murakkabligidan kelib chiqqan holda 2 yildan kam boʻlmagan muddatda tashkil etiladi.
Oʻquvchilarning umumiy haftalik yuklamalari 54 soat, shundan kunduzgi ta’lim shaklida auditoriya va amaliyot mashgʻulotlari hajmi 36 soatgacha boʻladi.
Oʻquv mashgʻulotlari uchun ikki akademik oʻquv soati davomiyligi uzluksiz 80 daqiqani tashkil etadi. Bunda oʻquv rejasiga muvofiq 40 daqiqadan iborat bir akademik oʻquv soati joriy etilishi mumkin.
Oʻqishning normativ muddati ikki yildan kam boʻlmagani holda oʻquv jarayoni kamida 94 hafta davom etadi.
Oʻquv yuklama fanlar bloklari boʻyicha quyidagicha taqsimlanadi:

Tabiiy va gumanitar fanlar		8-16 foiz
Mutaxassislik fanlar		16-38 foiz
Oʻquv amaliyoti		12-32 foiz
Ishlab chiqarish va diplom oldi amaliyoti		18-36 foiz
Davlat attestatsiyasi		1-3 foiz

Ayrim mutaxassisliklarning oʻziga xos xususiyatlaridan kelib chiqqan holda, oʻquv rejalarida oʻquv amaliyotlari mutaxassislik fanlari bilan uygʻunlashgan holda rejalashtirilishi mumkin.
Oʻquv yuklamasidagi nazariy va amaliy ta’limga ajratilgan vaqt quyidagicha taqsimlanadi:
Nazariy ta’lim 40 – 55 foiz
Amaliyot 45 – 60 foiz