“ O`zbekistonning ibratli oilasi”

“ O`zbekistonning ibratli oilasi”

“Dunyoda ham, oxiratda ham inson bilan davom etadigan ikkita robita bor. Birinchisi-inson qalbidagi iymoni. Ikkinchisi-o`zining halol-pok oilasi. Iymon salomat bo`lsa, bu dunyoda ham, jannatda ham birga bo`ladi. Bandaning bu dunyodagi halol-pok oilaviy hayoti jannatlarda ham davom etadi. Bu ikki robitaga loyiq inson ko`p bo`lmasa ham hayotimizda uchrab turadi. Iymonli, e`tiqodli oila deb atalmish buyuk xilqatga doimo sadoqatli insonlardan biri eldoshimiz “Urganch davlat universiteti” rektori Bahrom Abdullayev Ismoilovichning otasi Ismoil Abdullayevning shogirdlaridan bo`lmish, Nazirbibi Soporova va oila darg`asi , turmush o`rtog`i, “Xalq ta`limi alochisi”unvoni sohibi Xudayberganov Shonazar ustozlarimizdir. Avval O`rachi oilasi deb ataganlar hozirda O`qituvchi oilasi deb atashadi. Chunki ota-bobolari o`rachi bo`lganlar Xiva Ichan qa`lada 2ta o`ra shu insonning bobosi tomonidan bunyod qilingan. Bobosining yasagan o`ralari juda ham mashhur bo`lib, Fransiyada ham o`ralari bor. Shonazar va Nazirbibi ustozlar XDPI(Xorazm davlat pedagogika instituti)ni 1976-1977-yillarda tugallab, shu yildan boshlab hozirgi kungacha qariyb 50 yildan buyon Xiva shahar 16-son maktabida Matematika fani o`qituvchilari sifatida yelkama-yelka turib faoliyat ko`rsatib kelmoqdalar. “Olma tagiga olma tushadi” deganlaridek oilada 7 nafar farzand bo`lib, barchasi oliy ma`lumotlilar. Ota-onasi izidan borib barchasi Matematika fani bo`yicha mutaxassislar. Ustoz oilasi bilan birgalikda hayot qiyinchiliklarini, yo`qotishlarni, taqdirning sinovlarini sabr va bardosh bilan yengib kelayotirlar.

” Er-xotin qo`sh ho`kiz” deganlariday bu ustozlar har doim o`zlarining ezgu maqsadlari yo`lida birga harakat qilganlar. Bu ustozlar birgalikda matematikaga oid “O`quvchilarni olimpiadaga tayyorlash usullari” mavzusida metodik qo`llanma, kitob chop qilishgan bunga o`zlarining yaratgan formulalari bilan birgalikda aniq metodik usullarni kiritganlar. Ular tabiatni ayniqsa, gullarni sevishadi. Shuning uchun bo`sh paytlarida gullar o`stirish bilan shug`ullanadilar, doimo gullarning go`zalligidan bahramand bo`ladilar. Uylarini, maktabimizni gullar bilan bezashda katta hissa qo`shib kelmoqdalar. Doimo yaqinlariga, atrofidagi odamlarga yaxshi kayfiyat ulashish maqsadida gul taqdim qilishadi.
“Ayol-bir qo`lida beshikni, bir qo`lida dunyoni tebratadi” deganlaridek ham onalik, ham ustozlik, ham uy bekalik vazifasini matonat bilan bajarganlar. Qaynonasi Avazjon momoni juda hurmatini joyiga qo`yib, kelin emas qiz bo`lib xizmatini qilganlar. Avazjon momo hayotining oxirgi kunigacha Nazirbibi ustozni duo qilib o`tdilar. Qaytar dunyo ekanligi rost. Hozirgi kunda Nazirbibi ustoz 5nafar kelinidan hurmat, ehtirom, rohat ko`rib kelmoqdalar. Shunday hayotiy qiyinchiliklarga qaramasdan har ikkala ustoz nafaqat o`z farzandlarini, balki mahalla, yurt farzandlarini ilmli, ma`naviyatli, madaniyatli qilib tarbiyalash uchun butun kuchini, mehnatini, umrini baxsh etib kelmoqdalar. Bunday fidoyi inson, jafokash ustozlar oldida bosh egamiz. Biz ham shunday insonlar kabi bo`lishga intilamiz.


Batirova Sarvinoz