 Гиёҳларнинг халқ табобатида қўлланилиши

Геморройга қарши алоэ ва лавлагидан ҳам суртма дори тайёрлаш 
мумкин. Бунинг учун 1 ош қошиқ алоэ, 2 чой қошиқ майдаланган далачой 
(зверобой) ва 20 грамм қирғичдан ўтказилган лавлаги бир жинсли модда 
бўлгунича қадар яхшилаб аралаштирилади. Сўнгра бу суртма дори 
геммороидал шишларга суртилиб, устидан салфетка қўйилади ва шу холатда 
30 дақиқа ўтирилади. Бу шифо усули нафақат геморрой билан боғлиқ бўлган 
оғриқларни қолдиради, балки шишларнинг ичкарига кириб кетишига ҳам 
ёрдам беради.
Геморройда ва ташқи ҳамда ички қон оқишида Чойўт гиёҳи (Зверобой 
продырявленный, трава) нинг 3 ош қошиғига 2 стакан қайноқ сув қуйилади 
ва 2 соат дамланиб, фильтрланади. Сўнгра бу дамламани овқатдан олдин 
кунига 3 маҳал 1/3 стакандан 1-2 ой давомида ичилади. 
Ич кетишида гиёҳлардан фойдаланиш 
Ич кетишида қуйидаги шифобахш гиёҳлардан аччиқ чой тайёрлаб 
ичиш тавсия қилинади: 

Чойўт гиёҳи (Зверобой продырявленный, трава) – 1 қисм 

Бўйимодарон гиёҳи (Тысячелистник, трава) – 1 қисм 
Агар ич кетиш узоқ давом этаётган бўлса, у холда юқоридаги 
гиёҳлардан қуйидагича тайёрланадиган чой ёрдам беради: Бу гиёҳларнинг 1 
ош қошиғига 1 стакан қайнаб турган сув қуйилади ва дамлангандан сўнг, 
фильтрланади. Тайёр бўлган чойни овқатдан 1 соат олдин кунига 3 маҳал 1 
стакандан ичилади.

---

Do’stlar, qadrdonlar va farzandlar uchun 
Professor Ayupov Ravshan Xamdam og’lidan tuhfa 
40 
 
Жигар ва ўт қопи касалликларида 
Нафсим мени йўлдин уриб хор айлади, 
Термултуриб халойиққа зор айлади,
Зикр айтдирмай шайтон бирла ёр айлади,
Хозир сан деб нафс бошини янчдим мано. 
Ахмад Яссавий 
 
Доривор гиёхлардан тайёрланган дамламалар ўт ажралишини 
кучайтиради, спазмолитик, антиаллергик ва шамоллашга қарши таъсир 
қилади, ўт қопи тонусини нормаллаштиради, ошқозон безлари ва ошқозон 
функциясини фаоллаштиради ҳамда организмдан турли хил ўт 
пигментларини ва токсинларнинг чиқарилишини тезлаштиради. Жигар ва ўт 
қопи касалликларида Чойўт гиёҳи (Зверобой продырявленный, трава) нинг 3 
ош қошиғига 1 стакан қайноқ сув қуйиб, дамлама тайёрланади ва уни 
овқатдан сўнг, кунига 3 маҳал чорак стакандан ичилади.