Ўзбекистоннинг Сингапурдаги элчихонаси томонидан Қорақалпоқ давлат университети талабалари ва ўқитувчилари учун қисқа муддатли ўқув ва малака ошириш курслари

Ўзбекистоннинг Сингапурдаги элчихонаси томонидан Қорақалпоқ давлат университети талабалари ва ўқитувчилари учун қисқа муддатли ўқув ва малака ошириш курслари ташкил этиш бўйича лойиҳасини амалга ошириш мақсадида Ўзбекистон Республикаси олий ва ўрта маҳсус таълим вазирлиги томонидан берилган саволлар

№	Савол	Жавоб
1.	Бир киши учун Сингапурда кунлик яшаш, яъни меҳмонхонада, талабалар ётоқхонасида ёки ижарага олинадиган ҳонадонда жойлашиш (тунаш), 3 маҳал овқатланиш (арзон кафеда, талабалар ошхонасида) харажатлари миқдори	I. Сингапур томон, талабалар учун ётоқхона, яшаш хоналари, ижарага олиш учун хусусий уй ва меҳмонхоналар каби бир қанча имкониятларни таклиф этади. Ўртача ҳисоблаганда, хусусий уйда битта хонани ижара нархи, ойига ўртача $1.000 синг. долл. ($763 АҚШ долл.)ни ташкил этади ва бутун уйни 3та ётоқ хонаси билан (5 кишига мўлжаланган) ижарага олинган тарзда ўртача $3.000 синг. долл. ($2.290 АҚШ долл.)ни ташкил этади. Меҳмонхоналарда бир кеча қолиш учун ўртача харажати $250 синг. долл. ($190 АҚШ долл.)ни ташкил этади. Жумладан, элчихона томонидан олиб борилган музокаралар натижасида, “Temasek Polytechnic”га тегишли бўлган Glocal Connect Village ётоқхонасида 5 кишига мўлжалланган хонадонни эксклюзив асосида тақдим қилиши келишиб олинди. Ойлик тўлов $2.450 синг. долл. ($1.870 АҚШ долл.)ни ташкил этади ва ичига қуйидаги хизматлар киради: ойлик ижара пули, коммунал хизматлар ва бошқа солиқлар киради (яъни хар бир кишига $490 синг. долл.ни - $374 АҚШ долл.ни ташкил этади). Шу билан бирга, айни пайтда коронавирус кассалиги тарқалиши сабабли Сингапурда чегара назорати чоралари кучайтирилган ва Сингапурга саёҳат қилаётган шахслар давлатга киришдан сўнг ўз хисобидан 14-кунлик мажбурий карантинда ихтисослаштирилган жойларда жойлаштирилади. 14-кунлик карантинда туриш ўртача $2.200 синг. долл. ($1.680 АҚШ долл.)ни ташкил этади. II. Сингапурда ўртача овқат нархи кунига $20 синг. долл. ($15.2 АҚШ долл.)ни ташкил этади. Талабалар шаҳарчасида бир мартталик овқатланиш $5 синг. долл. ($3.8 АҚШ долл.) туради.
2.	Сингапурда бир киши учун кунлик сарфланадиган жамоат транспорти харажатлари миқдори	Сингапур транспорт тизими жуда ривожланган бўлиб, мамлакатнинг барча қисмларига Mass Rapid Transit (MRT) метро тизими ва автобус хизматлари орқали фойдаланиш мумкин. Тўлов нақд пул ёки EZ-Link картаси орқали тўлаш мумкин. Автобусда бир томонлама бориш чипта нархи $0.92 синг. долл. ($0.69 АҚШ долл.)дан бошланиб $2.17 синг. долларгача ($1.63 АҚШ долл.)га етади. Метро тизими эса $0.42 синг. долл. ($0.31 АҚШ долл.) дан бошланиб $1.67 синг. долл.ни ($1.25 АҚШ долл.) ташкил этади. Саёҳат масофасига қараб, аниқ харажатни қуйидаги веб-сайт орқали топиш мумкин: https://www.sbstransit.com.sg/fares-and-concessions
3.	Бир киши учун 1 ёки 2 ҳафталик ва 1 ёки 6 ойлик тиббий суғурта (страховка) товони тўлови ҳажми	Сингапурнинг суғурта компаниялари маълумотларига кўра тиббий суғурта фақат узининг фуқароларига берилиши мумкин. Ўзбекистонлик талабалар Сингапурдан саёҳат суғуртасини сотиб ололмайдилар. Шунинг учун ушбу масалани Ўзбекистонда мавжуд суғурта компаниялар билан келишиш мақсадга мувофиқ. Жумладан, ушбу тоифадаги тиббий суғурталарни Ўзбекистонда фаолият олиб бораётган “GROSS Insurance” компания хизмат кўрсатиши тўғрисида маълумот берилди (https://gross.uz/uz/travel-calc).