Xulosa va takliflar Foydalanilgan adabiyotlar ro‘yxati

MUNDARIJA:
Kirish………………………………………………………………………………3
1.“Hilal Hotel” mehmonxona faoliyatining umumiy tavsifi………..………….......5
2.“Hilal Hotel” mehmonxonasining mijozlarga xizmat ko‘rsatish dasturi…………7
3.“Hilal Hotel” mehmonxonasining o‘ziga xos infratuzilmasi va boshqaruvi…….12
4.“Hilal Hotel” mehmonxonasining o‘ziga xos yutuq va imkoniyatlari…………..22
5.“Hilal Hotel” mehmonxonasining to‘y, bazm, tadbirlar o‘tkazish xizmati…..….24
Xulosa va takliflar…………………………………………………......................31
Foydalanilgan adabiyotlar ro‘yxati……………………………………………..34
Ilovalar……………………………………………………………………………35

KIRISH
Turizm sohasi mamlakatlar va mintaqalar iqtisodiyotini rivojlantirish uchun muhim ahamiyat kasb etishini va u yigirma birinchi asr jahon xo‘jaligining ustuvor tarmoqlaridan biri ekanligini alohida ta’kidlash lozim. Xizmat ko‘rsatish sohasi odamlar hayotini yaxshilashga qaratilgan. Odamlarning hayotini yaxshilash esa benihoyat keng qamrovli jarayon. Shu tufayli xizmat ko‘rsatish sohasining tarmoqlari va ko‘lami juda keng. Ushbu soha odamlarga munosib sharoit yaratib berish bilan birga mamlakat yalpi ichki mahsulotida ham o‘zining sezilarli o‘rniga ega bo‘lib bormoqda.
Zamonaviy mehmonxona korxonalarida xizmat ko‘rsatish sifatini boshqarish muhim omil hisoblanadi. Bunga sifat standartlarini ishlab chiqish va joriy etish, personalni o‘qitish, mehmonxona faoliyatining barcha jabhalarida xizmat ko‘rsatishni nazorat qilish, to‘g‘rilash, takomillashtirish kiradi.

Mehmonxonalarda servis xizmatlarini jahon andozalariga moslashtirish, ulardagi xizmat turlarini takomillashtirish va sifatini oshirish, ularni o‘rganishda makro va mikro muhiti tadbirlarini qo‘llash soha rivojini ta’minlaydi. Demak, ushbu sohani rivojlantirish mamlakat iqtisodiyotini yuksalishiga olib kelar ekan, bugungi kunda uning jahon miqyosidagi holatini tahlil qilish maqsadga muvofiqdir.

Mehmonxona sanoati korxonalari faoliyatini xorij tajribasini o‘rganish, shubhasiz, mehmonlarga xizmat ko‘rsatish sifatini yaxshilashda katta rol o‘ynaydi. Xizmatchilar mehmonlar tomonidan zamonaviy xizmat darajasiga qanday talab qo‘yilishi haqida tasavvurga ega bo‘lmasa ulardan mijozlarga yuqori darajada xizmat ko‘rsatishlarini talab qilish juda qiyin. O‘zbekistondagi mehmondo‘stlik sanoati o‘ziga xos sharoitlarda faoliyat ko‘rsatayotganligini e’tiborga olish kerak.
O‘zbekiston Respublikasining "Turizm to‘g‘risida"gi¹ qonunidagi ayrim moddalarda turistik xizmatlar bilan bog‘liq tushunchalarning ta’rifi berilgan. Jumladan, qonunning 3-moddasida turistik xizmatlar tushunchasi quyidagicha ta’riflanadi: "Turistik xizmatlar – turistik faoliyat subyektlarining joylashtirish, ovqatlantirish, transport, axborot-reklama xizmatlari ko‘rsatish borasidagi, shuningdek, turistlarning ehtiyojlarini qondirishga qaratilgan boshqa xizmatlar"dir.
Darhaqiqat, Respublikamizda turizm sohasining rivojlanishi o‘z navbatida mehmonxonalarning keng taraqqiy qilishiga muhim zamin yaratadi. Shu bilan birga, turizmning rivojlanishi uchun barcha zarur tashkiliy-huquqiy mexanizm vujudga keltirildi va muhim me’yoriy-huquqiy hujjatlar qabul qilindi. Natijada, sohaning taraqqiyotida mehmonxona xo‘jaligini tashkil etish va yanada takomillashtirish masalasi ko‘rib chiqildi. Buning uchun O‘zbekistonda mehmonxona xo‘jaligini rivojlantirishda uni asosiy bosqichlarga ajratish va ularning har biri uchun muhim jihatlarini izlab toppish kerak bo‘ladi. Chunki, ana shular orqaligina mehmonxona xo‘jaligidagi mavjud muammolar va ularni hal qilish yechimini aniqlash mumkin.