Xalqaro xotin-qizlar kuni



Download 22.58 Kb.
Sana21.01.2017
Hajmi22.58 Kb.
8-MART--- “XALQARO XOTIN-QIZLAR KUNI” ga bag`ishlab o`tkazilgan “MUQADDASSAN , AYOL!” mavzusidagi ma`naviyat saboqlari uchun ssenariy

Tadbir o`tkaziladigan sahna bahoriy bezaklar : gul , lola, boychechak hamda qaldirg`och aplikatsiyalari bilan bezatilgan. Sahna po`parasiga bayramga bag`ishlangan rasm va devoriy gazeta ilib qo`yiladi.

1- boshlovchi: Har salomning salmog`i alik bilan o`lchanur,

Olamning jilmayishi quyosh bilan o`lchanur.

Kulib tursa toleing , dilbarlikdan dil yonur,

Assalomu alaykum , yongan dillar xush ko`rdik.

2-boshlovchi: Bu dunyoda har tongdan oftob so`rab yashaylik,

Tunni qora demasdan , mohtob so`rab yashaylik.

Keling , ko`ngil ko`zini nurga o`rab yashaylik,

Assalomu alaykum, yorug` kunlar xush ko`rdik.

Assalomu alaykum , muhtarama ustozlar hamda bir – biridan go`zal qizlar! Sizlarni 8-mart – “Xalqaro xotin- qizlar bayrami “ bilan muborakbod etgan holda navbatdagi “MUQADDASSAN, AYOL!” mavzusidagi ma`naviyat kechamizni e`tiboringizga havola etamiz. Marhamat , tinglang va tomosha qiling.

Furqatning “Fasli navbahor o`ldi…” g`azaliga bastalangan qo`shiq sadolari ostida 4 nafar qizlar davraga chiqib , raqs ijro etiladilar.

1-o`quvchi: Ayollarni , qizlarni bahorga qiyoslashadi , bahorni ularga. Go`zallik , nafosat , yangilanish , hayot davomiyligi bahor va ayol tushunchalarida uyg`unlashib ketadi.

2-o`quvchi: Garchi Aflotun yaralmagandur ayol,

Ammo Aflotunga ham bahsh etgan kamol.

Berishibdi donishmandga bir savol:

(2-o`quvchi she`rini aytayotganda sahnaga Aflotun va uning shogirdi qiyofasidagi ikki o`quvchi chiqadi.)



Shogird : Javob bering , ey ustoz , agar bo`lsa bemalol,

Aytib bering bizlarga “AYOL” so`zin ta`rifin?



2-o`quvchi: Shunda debdi donishmand savolga javob aylab,

Har bir harf ta`rifin aylabdi kitob aylab.



Aflotun: A -- degani alloma , mehr , vafo muhabbat,

YO -- degani yoronlar , ayol jonlarga rohat ,

L -- degani latofat , ayol so`zi bir jahon!

  1. Ayol - bu shirin xayol va iffat ramzi!

  2. Ayol - bu har birimizning birinchi ustozimiz!

  3. Ayol - bu muunis opa- singillarimiz!

  4. Ayol - bu jamiyatning faol a`zosi!

  5. Ayol - bu oilaviy maslahatlarda do`st!

  6. Ayol - bu hayot sarchashmasi!

  7. Ayol - bu sevimli yor!

3-o`quvchi: 8 – mart xotin – qizlar bayrami go`zal va betakror yurtimizga bahor nafasi kirib kelganidan darak beradi.

4 – o`quvchi: Bahorning ilk kunlari sizgadir bayram,

Bahor kabi beg`ubor , mushtipar ayol!

Bo`ling doim salomat siz baxtimizga,

Siz bilan hayot shirin , shirindir xayol!



5-o`quvchi: Пусть первый подснежник подарит,

Вам нежность, весеннее солнце подарит тепло.

А мартовский ветер подарит надежду,

И счастье , и радость, и только добро!



6-o`quvchi: Ayol – borliq ko`zgusi. Uning go`zalligi olamni charog`on etadi , chunki uning niyati pok , o`zi pok. Shu bois , uni avaylab – asragan yurtning kelajagi porloq , deb naql qilinadi.

7- o`quvchi: Shu ma`noda buni O`zbekistonimizga va uning bir – biridan latofatli , oqila o`zbek ayollariga nisbatan aytsak , xato bo`lmaydi.

8- o`quvchi: Sizga hayot hayot emas , bilsanggiz,

Izingizdan gullar unar bilsanggiz.

Olam yorishadi bir bor kulsanggiz,

Latofat sohibi go`zal , ayollar!



9-o`quvchi: Ayol azaldan mehr- shafqat va sadoqat timsoli bo`lib kelgan. Ayol deganda ko`z o`ngimizda , avvalo , ulug` va tabarruk ona siymosi gavdalanadi. Inson zoti borki , olamdagi barcha yaxshilik va ezguliklarni , hayot sir-u asrorlari va saboqlarini onaning mehr-u saxovati tufayli o`rganadi.

10-o`quvchi: Ayol borki , olam munavvar , oila borki , hayot go`zal va maftunkor. Inson , oila , ayol tushunchalarini bir-biridan ajralgan holda tasavvur etib bo`lmaydi.

11-o`quvchi: Oilani ham , jamiyatimizni ham birlashtirib , unga fayz-u barokot kiritadigan, xonadonlarimizni mehr – muhabbat , nafosat , ezgulik nuri bilan munavvar qiladigan zotlar ham aslida mo`tabar onalarimiz , munis opa – singillarimizdir.

12-o`quvchi: Chindan ham ayollarimizning oilada tutgan o`rni , beqiyos. Oqila , go`zal ayollar o`zlarining g`amxo`rligi , mehribonligi , qalbi daryoligi bilan oiladagi , qolaversa , butun jamiyatdagi muvozanatni , poklik , halollik , samimiyat va adolat muhitini saqlab turadilar.

1-o`quvchi: Sizning qalbingizni mengzab Quyoshga,

Adashdim , siz undan yorqin , saxiyroq.

Ko`zlaringizdagi mehr- muhabbat ,

Ko`ngillarga tutash, qalbga yaqinroq!



2-o`quvchi: Iboli , xayoli boqishlaringiz,

Zimiston go`shaga yoqadi chiroq.

Ishoning , sizning har bitta so`zingiz ,

Farzandlar yo`lida bo`ladi mayoq!



3-o`quvchi: Ulug` donishmandlar Vatanga eng munosib ta`rif izlaganda , uni Ona siymosiga qiyos etganlarida katta ma`no bor. Dunyoda “muqaddas” degan so`zga eng munosib zot ham --- ONADIR.

4-o`quvchi: Ulug bir donishmand olamni sharhlab,

Axiyri tanibdi tuqqan elini.

Zabonbaxsh etganda ehtirom aylab ,

Ona deb atabdi ilk bor tilini.



5-o`quvchi: Dunyo shoirlari Vatan sha`niga,

Sifat axtarmishlar qator va qator.

Nihoyat , kelmishlar bitta ma`niga,

Ona Vatan deya bitmishlar ash`or!

6-o`quvchi: Bisyor bo`lsa agar bol ham beqadr,

Takror aytilganda rangsizdir kalom.

Bu yorug` olamda Vatan bittadir,

Bittadir dunyoda Ona degan nom!

(Abdulla Oripov)

7-o`quvchi: Onani e`zozlash --- bizning millatimiz , xalqimiz uchun oily qadriyat darajasiga ko`tarilgan fazilat. Chunki ayolllarni qancha ulug`lasak, hayotimizning chirog`I , umrimizning guli deb e`zozlasak , demakki , oilamizni , Vatanimizni e`zozlagan bo`lamiz.

( Islom Karimov)

8-o`quvchi: Sizga go`zal ko`rinar olam,

Har biringiz dono , ziyoli.

Qayda bo`lmang , degaysiz bolam,

Sharqning guli – O`ZBEK AYOLI!



9-o`quvchi: Xalqimizning buyuk tarixida o`zinig jasorat va matonati , aql – zakovati , nafosat va nazokati bilan o`chmas nom qoldirgan To`maris , Bibixonim , Gulbadanbegim , Zebuniso , Nodira , Uvaysiy , Anbar Otin va boshqa yuzlab ayolllarimizni hamisha ehtirom bilan tilga olamiz.

10-o`quvchi: Onalarning oyog`I ostidadur,

Ravzai , jannati , jinon bog`i.

Ravza bog`in visolin istar ersang,

Bo`l onalar oyog`in tuprog`i.

(Alisher Navoiy)

11-o`quvchi: Ulug` momolarimizga xos bo`lgan oliyjanob fazilatlar bugun ham muhtaram ayolllarimiz siymosida davom etib kelmoqda. Ayollarga bo`lgan cheksiz hurmat-ehtiromimizning eana bir sababi shundaki , ayol avvalo , har bir insonning beshigini tebratadigan, oq suti bilan uning yuragiga odamiylik fazilatlarini singdiradigan , uni hayot bo`ronlaridan asrab- avaylaydigan fidoiy insondir.

12-o`quvchi: Ayollarni izzat- ikrom qilish ota- bobolarimizdan qolgan muqaddas udumdir.

1-o`quvchi: Chiroyda tengsiz , o`xshaguchi yo`q,

Illo , siz san`atkorsiz , qo`llaringiz gul.

Magar xas tutsangiz , barg yozar shu dam,

Ayyomingiz bilan qutlasam shu dam.

Ro`yi zamin ichra nozik bir xilqat,

Tantanavor o`tsin sakkizinchi mart!



2-o`quvchi: Mamlakatimizda olib borilayotgan islohotlar ham xalqimiz , avvalo , opa – singillarimiz , munis onaxonlarimiz turmushi farovonligini yanada yuksaltirishga qaratilgandir. Onalik va bolalikni himoyalash , barkamol avlodni voyaga yetkazish , oila va mahalladagi ahillik , hamjihatlikni mustahkamlash davlatimiz siyosatining ustuvor yo`nalishlaridandir.

3-o`quvchi: Tomirimni tirnar ko`hna savollar,

Yuragimda gullar shirin

Ey siz , o`zbekoyim , oftobjamollar

Men oftobga alishmagan ayollar!



4-o`quvchi: Millatning ertasi , millatning nasli,

Siz atir nafasli , siz rayhon sasli.

Ketmas bo`lib kelgan bahorsiz asli,

Men oftobga alishmagan ayollar.



5-o`quvchi : Istiqlol tufayli mehnatda baxti ochilgan ayollar juda ko`p. Ularning orasida qanchadan qancha hunarmand onaxonlar , turli tashkilotlarda rahbar ayollar , erkaklar bilan har jabhada yelkama – yelka turganntadbirkor ayollar , turli – tuman kasb sohibalari bor.
6- o`quvchi: Davlatimizning yuksak unvonlari-yu nishonlariga sazovor bo`lgan fidoiy va mehnatkash , elim deb , yurtim deb yonib yashayotgan ayollarimizning sanog`iga yetib bo`lmaydi.
7-o`quvchi: Erta bahorsa gullagan binafsha misol,

Ko`nglingiz doim beg`ubor bo`lsin.

Yangi ochilgan gul “lola” misol,

Lablaringizda doim tabassum bo`lsin!

Dildan ezgu tilaklarim sizgadir tanho,

8-mart ayyomingiz muborak bo`lsin!


8-o`quvchi: Bahor oftobiday chehrangiz kulsin,

Doim tabassum hamrohingiz bo`lsin.

Kirgan bog`ingiz gullarga to`lsin,

8-mart ayyomingiz muborak bo`lsin!


9-o`quvchi: Bahor chechaklari bo`lsin armug`on,

Siz nurli insonsiz baxtli begumon.

Bayram-la qutlayman bo`ling shodumon,

8-mart ayyomingiz muborak bo`lsin!


10-o`quvchi: Qalblardagi chiroyli tilak,

Savoblardan beradi darak.

Sizga izhor aylayin tilak,

8-mart ayyomingiz bo`lsin muborak!


11-o`quvchi : Navbatni hurmatli ayol ustozlarimizga bag`ishlangan tabrik she`rlarga beramiz:
Ustozlig-u rahbarlikni uddalagan,

Odamiylik , ezgulikni shior qilgan.

Har qadamda intizomga chaqirgan,

Hammamizga “bolam” deya mehr qo`ygan.



Manzura opa , bugungi,

Bayramingiz muborak!


O`zi dilkash , mehribon,

Ham go`zal-u bilimdon.

So`zlaydi bulbulzabon.

Yuzga kiring , bo`ling omon!



Gulchehra opa , bugungi,

Bayramingiz muborak!


Ega , kesim , to`ldiruvchi ,

Qoidasin o`rgatgan.

Ona tilim – jon-u dilim,

Deya bizga uqtirgan.



Zulxumor opa , bugungi,

Bayramingiz muborak!



( Shu kabi barcha ayol ustozlarimizni madh etuvchi she`rlar o`qiladi.)
1-boshlovchi: Mana , hurmatli ustozlar hamda bilimdon o`quvchilar! Shuning bilan 5-“B” sinf o`quvchilarining “MUQADDASSA N , AYOL!” mavzusidagi adabiy – badiiy kechamiz o`z nihoyasiga yetdi.
2-boshlovchi: Barcha ayol ustozlarni va go`zal qizlarimizni yana bir bor nafosat bayrami - 8-mart bilan sinfimiz nomidan muborakbod etamiz!

(Hamma ishtirokchilar birgalikda:)


BAYRAMINGIZ MUBORAK BO`LSIN , AZIZ AYOLLAR!

Download 22.58 Kb.

Do'stlaringiz bilan baham:




Ma'lumotlar bazasi mualliflik huquqi bilan himoyalangan ©hozir.org 2020
ma'muriyatiga murojaat qiling

    Bosh sahifa
davlat universiteti
ta’lim vazirligi
O’zbekiston respublikasi
maxsus ta’lim
zbekiston respublikasi
axborot texnologiyalari
o’rta maxsus
davlat pedagogika
nomidagi toshkent
guruh talabasi
pedagogika instituti
texnologiyalari universiteti
toshkent axborot
xorazmiy nomidagi
rivojlantirish vazirligi
samarqand davlat
navoiy nomidagi
haqida tushuncha
toshkent davlat
ta’limi vazirligi
nomidagi samarqand
vazirligi toshkent
Darsning maqsadi
Toshkent davlat
tashkil etish
kommunikatsiyalarini rivojlantirish
Alisher navoiy
Ўзбекистон республикаси
matematika fakulteti
bilan ishlash
pedagogika universiteti
Nizomiy nomidagi
fanining predmeti
sinflar uchun
o’rta ta’lim
maxsus ta'lim
таълим вазирлиги
vazirligi muhammad
fanlar fakulteti
ta'lim vazirligi
tibbiyot akademiyasi
Toshkent axborot
махсус таълим
haqida umumiy
umumiy o’rta
Referat mavzu
ishlab chiqarish
fizika matematika
pedagogika fakulteti
universiteti fizika
Navoiy davlat