Xalqaro valyuta bozori

Mamlakat	Savdo qilinayotgan valyuta	Kotirovka valyutasi
Baho
Germaniya	USD	EUR	0,6871
Yaponiyada	USD	JPY	105,0
Avstraliya	USD	AUD	0,7395

Ba’zi valyutalar, asosan Britaniya hamdo’stligi mamlakatlarining valyutalari (Angliya va Irlandiya funtlari yoki Avstraliya dollari) doim savdo qilinayotgan valyuta sifatida maydonga chiqadi. Buyuk Britaniya funt sterlingini valyutalarga nisbatan standart kotirovkalari quyidagicha ko’rinishda bo’ladi (jadval 3.3.):

Jadval 3.3.

Mamlakat	Savdo qilinayotgan valyuta	Kotirovka valyutasi	Baho
Buyuk Britaniya	GBP	USD	1,9550
Buyuk Britaniya	GBP	EUR	1,3433
Yaponiya	GBP	JPY	205,2750
Avstraliya	GBP	USD	1,4457

Milliy valyuta savdo qilinayotgan, xorijiy valyuta esa kotirovka valyutasi bo’lgan xoldagi kotirovka turi teskari kotirovka bo’ladi.

Yuqorida bayon etilganlardan tashqari banklararo savdoda valyutani kotirovka qilayotgan bank odatda valyutani sotib olish va sotish kurslarini e’lon qiladi. Sotib oluvchi kursi “Bid” kursi, sotuvchi kursi esa “Offer” kursi sifatida belgilanadi.

To’g’ri kotirovkada “Bid” sotib oluvchi kursi banklar tomonidan savdo qilinayotgan valyutani sotib olish va milliy valyutani sotish kursi bo’ladi. “Offer” kursi banklar tomonidan savdo qilinayotgan valyutani sotish va milliy valyutani sotib olish kursi hisoblanadi. “Bid” va “Offer” kurslarining farqi sifatidagi miqdor “spred” deb ataladi.

1-misol. To’g’ri kotirovka. Yaponiyadagi korxona 1 mln. AQSh dollarini nemis markasiga sotmoqchi. Talabi bo’yicha u o’z bankidan quyidagi kotirovkani oladi: USD/JPY 100,50 – 100,60.

Diler-bank 1 AQSh dollari uchun 100,50 yapon yenasini to’lashga tayyor. Boshqa tarafdan, 1 AQSh dollarini sotganda bank 100,60 yapon yenasini olmoqchi. Mijoz esa aksincha 1 AQSh dollarini sotib 100,50 yapon yenasini oladi va 1 AQSh dollarini sotib olmoqchi bo’lsa 100,60 yapon yenasini to’lashi kerak.

Mijoz bankga 1 mln. AQSh dollarini 100,50 kursi asosida sotadi va yapon yenalaridagi 100500000 ga teng ekvivalentni oladi. Korxona va bank operatsiyalari quyidagicha ko’rinishda bo’ladi (jadval 3.4.):

Jadval 3.4.