Vodorod va vodorod peroksid. Olinishi va xossalari Vodorodning olinishi va xossalari

3. Vodorod peroksidining katalitik parchalanishi

Probirkaga 1-2 ml 3%li H₂O₂ eritmasidan quying, ozgina MnO₂ kukunidan soling. Ajralib chiqayotgan gazni cho‘g‘langan cho‘p bilan tekshiring. Reaksiya tenglamasini yozing. Bu reaksiyada MnO₂ qanday vazifani bajaradi?

Rasm. 2. Vodorodni metallarga suv ta’sir ettirib olish.

4. Vodorod peroksidning oksidlovchilik xossalari

a) 2 ml Pb(NO₃)₂ eritmasiga teng hajmda Na₂S eritmasidan quying, qaynaguncha qizdiring. Hosil bo‘lgan cho‘kmaning rangiga e’tibor bering. Reaksiya tenglamasini yozing. Eritmani to‘king, cho‘kmaga esa 3 ml 3%li Н₂O₂ eritmasidan quying va biroz qizdiring. Cho‘kmaning rangi qanday bo‘ldi? Reaksiya tenglamasini yozing. Bu reaksiyada H₂O₂ qanday vazifani bajaradi?

b) 2 ml Cr(NO₃)₃ eritmasiga oldin hosil bo‘lgan cho‘kma eriguncha NaOH eritmasidan quying. Hosil bo‘lgan eritmaga vodorod peroksid eritmasidan quying. Eritma rangini natriy tetragidroksoxromat (III) ni xromat (VI) ga o‘tib, o‘zgarishini kuzating. Bu reaksiyada Н₂O₂ qanday vazifani bajaradi?