Virus virionlarining reproduksiyalanishi

Virus virionlarining reproduksiyalanishi.

REJA:

1. 
   Hujayra genomi va normal hujayrada genetik informatsiyani amalga oshishi.
   
2. 
   Virionlarni hujayra yuzasiga adsorbsiyalanishi, retseptorlarni ionlik uchlarning ahamiyati.
   
3. 
   Deproteinlash va kirish.
   
4. 
   Virus nuklein kislotalarining replikatsiyasi.
   
5. 
   Virionlarini to‘planishi.
   
6. 
   Superkapsidni hosil bo‘lishi.
   

Asosiy adabiyotlar
1. Bazarov X.K, Abdulakimova A.B. Veterinariya virusologiyasidan o‘quv qo‘llanma. Samarqand 2016 y
2. Trotsenko N.I., Belousova R.V., Preobrajenskaya E.A. Praktikum po veterinarnoy virusologii. M., Kolos 2000 g.
3. Trotsenko N.I., Belousova R.V., Preobrajenskaya E.A. Praktikum po veterinarnoy virusologii. M., Agropromizdat 1998 g.
Xorijiy adabiyotlar
1. Fenner's Veterinary Virology (United States of America 2016 )
2. Veterinary clinical pathology (M.Jackson ).
3. Syurin V.N., Belousova R.V., Fomina N.V. Diagnostika virusnыx bolezney jivotnыx. Spravochnik. M. Agropromizdat 1991 g
4. Andreev G.M., Davыdov V.U., Zlobin V.S. Spravochnik prakticheskogo vracha. Izd.Lan. Sankt-Peterburg. 2004 g
TAYANCH IBORALAR
Tripsinizatsiya, fibroblast, sitopatogen ta’sir, adsorbsiya, Broun xarakati, deproteinizatsiya, replikatsiya, assambelirovanie, nukleokapsid, latent, surunkali, DI-bo‘lakchalar, defektli virus, psevdoviruslar.
Viruslar reproduksiyasi (ko‘paytirish)
Viruslar qat'iy hujayra ichida yashovchi parazitlar bo‘lib, organizmdan tashqarida to‘qima elementlari bo‘lmagan sun'iy oziq muhitlarda o‘smaydi (Karrel to‘qima kulturalari, Meydlan Tirode zardobli to‘qima bo‘laklari, Sinsser Tirode zardobli agari va boshqalar).
Viruslarning xo‘jayin hujayrasi bilan ta'sirlashuvi ko‘p bosqichli murakkab jarayon hisoblanadi. Bu ta'sirlashuv natijasida produktiv, abortiv, integrativ jarayon rivojlanadi. Produktiv shaklda virus reproduksiyasi kuzatiladi, abortiv ko‘payish jarayoni amalga oshmay, virus chiqarib yuborilishi mumkin, integrativ davirasning nuklein kislotasi hujayra genomiga biriktiriladi.
Viruslarning ko‘payishi bakteriyalarning ko‘payishidan tubdan farq qiladi. Ularning ko‘payishi disyunktiv (lotincha disjunctus - alohida ajralgan holda) tipda amalga oshadi. O‘nlab virionlar hujayra ichida joylashgan.
Bunda virusning tarkibiy qismlari (nuklein kislota, virus oqsili va boshqalar) hujayrada, virus nuklein kislotasida kodlangan axborotga binoan alohida-alohida sintez qilinadi va keyin virion yig‘iladi.
Virus reproduksiyasini shartli ravishda ikki fazaga bo‘lish mumkin. Birinchi fazada virusning hujayraga adsorbsiyasi va uning ichiga kirishi, nuklein kislotasining oqsillardan xalos bo‘lishi va infeksiya qo‘zg‘atishi uchun modifikatsiya qilinishi yotadi. Binobarin, bu faza 3 bosqichdan tashkil topgan: 1) virusning hujayraga adsorbsiya qilinishi; 2) hujayra ichiga kirishi; 3) virusning hujayrada «yechinishi». Bu bosqichlar virusning unga moyil hujayraga kirishi va uning ichki komponentining himoya qobiqlaridan xalos bo‘lishiga qaratilgan. Birinchi faza tamom bo‘lishi bilan reproduksiyaning ikkinchi fazasi boshlanadi. Bu fazada quyidagi bosqichlar mavjud: 1) transkripsiya; 2) a-RNK ning uzatilishi; 3) genom replikatsiyasi; 4) virus komponentlarining yig‘ilishi (1-rasm).
Reproduksiyaning oxirgi bosqichida virus hujayradan chiqadi.