Toshkent viloyati

O‘ZBEKISTON RESPUBLIKASI

OLIY VA O‘RTA MAXSUS TA’LIM VAZIRLIGI


TOSHKENT VILOYATI

CHIRCHIQ DAVLAT PEDAGOGIKA INSTITUTI

“Geosiyosat asoslari”

fani bo‘yicha mustaqil ta’limni tashkil

etish bo‘yicha ko‘rsatmalar

Chirchiq – 2019

Tuzuvchilar:	Axatov L.K -	Toshkent viloyati Chirchiq davlat pedagogika instituti Tarix va ijtimoiy fanlar kafedrasi kata o`qituvchisi.
	Ibrohimov F.A -	Toshkent viloyati Chirchiq davlat pedagogika instituti Tarix va ijtimoiy fanlar kafedrasi o`qituvchisi

Geosiyosat asoslari fani Milliy g`oya: ma’naviyat asoslari va huquq ta’limi yo‘nalishining kunduzgi bakalavriat ta’lim standartlariga kiritilgan bo‘lib, unda geosiyosat tushunchasi, tarixiy va zamonaviy geosiyosiy usullar, dunyo mamlakatlarining geosiyosiy maqsadlari va bu yo`lda amalga oshirayotgan siyosiy tadbirlarining asl maqsad-mohiyatini teran anglab yetish, zamonaviy xalqaro siyosat va xalqaro munosabatlarni geosiyosiy tahlil etish muammolari, O'zbekiston xavfsizlik siyosatida turli mintaqa davlatlari bilan aloqalar masalalari keng yoritilgan. Shu bilan bir qatorda ushbu fan sirtqi ta’lim o‘quv rejasiga kiritilgan bo‘lib, fan uchun ajratilgan umumiy soatning 20-25% auditoriya soati sifatida ajratilgan bo‘lsa, qolgan 80% esa mustaqil ta’lim sifatida talabalar majburiy o‘zlashtirishi shart bo‘lgan soatlar sifatida kiritilgan. Bu fan sirtqi bo‘lim talabalariga 3-semestrida o‘qitilishi mo‘ljallangan bo‘lib, ja’mi 130 soat ajratilgan, shundan auditoriya soati 24 soatni, mustaqil ta’lim esa 106 soatni tashkil etiladi.