Toshkent shahar Uchtepa tumani 14-maktabning 8- “A” sinf o`quvchisi Nozimaxon Fatxullayevaning “Kasbim-faxrim”

Toshkent shahar Uchtepa tumani 14-maktabning 8- “A” sinf o`quvchisi Nozimaxon Fatxullayevaning “Kasbim-faxrim”

mavzusida tayyorlagan taqdimoti

Hademay biz uchun qadrdon bo`lgan maktabizni bitirib, har birimiz o`zimiz tanlagan akademik-litseylar va kasb-hunar kollejlariga hujjatlarimizni topshirib, o`n ikki yillik majburiy ta’limni davom ettiramiz. Va kelajakda o`zimiz sevgan kasb egasi bo`lamiz.

Darhaqiqat, bu dunyoda kasblar juda xilma-xil. Kasblar orqali hamma o`zining yo`lini topib oladi va jamiyatda o`z o`rniga ega bo`ladi. Biz mustaqillik sharofati bilan, juda katta imkoniyatlar yurtida ta’lim olmoqdamiz. Bugun yurtimizda faoliyat yuritayotgan kasb-hunar kollejlari, akademik-litseylar jahon andozalariga javob beradigan darajada ta’mirlangan. Zamonaviy pedagogik texnologiyalar asosida ta’lim beriladi. Biz bitiruvchilar esa yaratilgan shunday imkoniyatlardan unumli foydalanib olishimiz kerak. Bu zamin faqat va faqat ziyolilarni dunyoga keltiradi.

Dunyoda kasb-hunar ko`p. Bu ikki so`z mazmun va mohiyat jihatidan bir-birlarini to`ldirib turadi.

Kasb-ish-faoliyatining ma`lum tajriba, tayyorgarlik talab etadigan biror turi, sohasi.

Hunar – kishining muayyan tayyorgarlik talab qiladigan, tirikchilikning asosiy manbai hisoblangan mashg`uloti.

Demak, inson kasb-hunarni o`z qiziqishi, o`z qiziqishi, orzu-istagi, maqsadi, jismoniy va aqliy imkoniyatlaridan kelib chiqib, tanlashi lozimdir.

O`zbek xalqi qadim-qadimdan kasb-hunarni e`zozlab kelgan, o`g`il-qizlarini ustalar qo`liga shogirdlikka eltib berib, kasb-hunar o`rgatgan. Natijada farzandlari zargarlik, kashtachilik, pichoqchilik, taqachilik, charxchilik, etikdo`zlik, duradgorlik kabi hunarlarni o`rganib komil inson bo`lib yetishgan.