Сурати “Чорбоғкент” маҳалла фуқаролар йиғини раиси (оқсоқоли) лавозимига номзод Абдуллоева Қурбоной Саидовнанинг таржимаи ҳоли

Номзоднинг
сурати

“Чорбоғкент” маҳалла фуқаролар йиғини раиси (оқсоқоли) лавозимига номзод Абдуллоева Қурбоной Саидовнанинг таржимаи ҳоли


Абдуллоева Қурбоной Саидовнанинг 1966 йилда туғилган, миллати – ўзбек, маълумоти – олий, мутахассислиги педагог.
Оилали, 3нафар фарзанди бор. 1983 йилдан бошлаб Когон тумани 141-боғчадан биринчи иш фаолиятимни бошлаганман. Таълим тизимида 3 йилдан ортиқ турли раҳбарлик лавозимларида меҳнат қилган.1992-1999 йилларда Вобкент тумани 21-МТТ мудираси лавозимида ишлаган.1999-2006 йилларда Вобкент тумани 22-МТТ мудираси лавозимида ишлаган.2006-2016 йилларда Вобкент тумани 14-умумий ўрта таълим мактабида директор ўрибосари лавозимида ишлаган.2016-2018 йилларда Вобкент тумани 8-МТТ мудираси лавозимида ишлаган.
Ҳозирги кунда нафақадаман. “Чорбоғкент” маҳалла фуқаролар йиғинида 50 йилдан буён доимий яшайди.


Фуқаролар йиғини раислигига номзоднинг
ДАСТУРИ

Жорий йилги фуқаролар йиғинлари раислари сайловида маҳалладошларим менга ишонч билдириб, йиғин раислигига номзодимни тавсия қилишган экан, мен учун бу шараф, ўз навбатида, катта масъулият. Бу ишончни оқлашга, бор билим ва тажрибамни маҳалламиз, юртимиз равнақи учун сарфлашга ҳаракат қиламан.

Йиғинга раис бўлиш жуда катта масъулият. Агар ушбу лавозимга сайлансам, менга юклатилаётган вазифанинг масъулияти ва жавобгарлигини сезган ҳолда ҳудудни ҳар томонлама ривожлантириш чора-тадбирларини амалга ошираман, албатта.
Аҳоли, айниқса, ёшларнинг маънавий-ижтимоий фаоллигини ошириш, жойларда маданий ва маърифий тадбирлар, учрашувлар, ижодий кечаларни ташкил этиш, ижтимоий кўмакка муҳтож кишиларни ҳар томонлама қўллаб-қувватлаш режамда бор.
Ёлғиз яшовчи, муҳтож оилаларга алоҳида моддий ҳамда маънавий эътибор қаратиш, уларга ҳомийлар бириктириб, моддий қўллаб-қувватлаш, кам таъминланган, боқувчисини йўқотган ва ногирон болаларга ҳамда кексаларга кўмаклашиш хам эътиборимдан четда қолмайди.
Кўп қаватли уйлар атрофида ободонлаштириш ва кўкаламзорлаштириш ишларини доимий назорат қиламан.
Маҳаллада аҳоли миграцияси рўйхатини тўлиқ шакллантириб бориш, чет давлатларга ишлаш учун узоқ муддатга кетганларнинг оила аъзолари билан мунтазам равишда суҳбатлар ўтказиш, уларнинг турмуш тарзини ўрганиб бориш, қайтиб келган фуқароларнинг тиббий кўрикдан ўтишлари ва ИИБ рўйхатига олинишларини қатъий назоратга оламан.
Аҳолининг ичимлик суви, газ ва электр энергияси билан мунтазам ва тўлиқ таъминланиши, фойдаланилган газ ва электр энергиялари учун қарздорлигини камайтириш ва тўланадиган тўловларни маҳалла фаоллари ва уй бошқарувчилари билан ҳамкорликда ўз вақтида тўланишида амалий ёрдам кўрсатаман.
Кўп қаватли уйларда ижарада турувчиларни, хонадонларга келиб-кетувчиларни ҳудудий профилактика инспекторлари билан биргаликда мунтазам назоратга олиб бораман.
Аҳоли ўртасида кичик бизнес ва хусусий тадбиркорлик, оилавий тадбиркорлик, касаначилик, ҳунармандчилик, чорвачилик, паррандачилик, деҳқончилик, шахсий томорқа хўжалиги билан шуғулланиш масалаларида тарғибот-ташвиқот ишларини амалга ошираман.