Reje: Milliy xarakterdi u`yreniwdegi uda`slepki bilimler ha`m ko`z qaraslar

MİLLİY XARAKTER.

REJE:

1. Milliy xarakterdi u`yreniwdegi uda`slepki bilimler ha`m ko`z qaraslar.

2. Milliy xarakterdi qa`liplestiriwshi printsipler.

3. Milliy xarakterdi du`ziwshi elementler.

4. O`zbek xalqına ta`n xarakter o`zgesheligi.

5. Milliy xarakterdin o`zgeriwshenlik o`zgeshelikleri.
Milliy xarakter ob`ekt sıpatında qıyın, biraq u`yreniw mu`mkin bolg`an ja`miyetlik tariyxıy ha`diyse boladı. Ol milliy psixologiyalıq kelbettin quramalı bo`legi bolıp esaplanadı. Milliy xarakter milliy turmıstag`ı tariyxıy kategoriya bolıp, onı u`yreniw. tu`sindirip beriw usı millettin turmısın, tariyxın, tilin ha`m ma`deniyatın jaqsı biliw kerek.

XIX a`sirde etnopsixologiyalıq o`zgesheliklerdi u`yrengen ko`p g`ana avtorlar o`z shıg`armalarında milliy xarakterdi real haqıyqat tu`rde bar ekenligin tastıyıqlag`an. Filosof E. Fridriz Angliya tariyxın u`yrener eken, frantsuz ha`m nemislerde bolmag`an o`zine ta`n erkinlik, o`zine isenim o`zgeshelikleri rawajlang`anlıg`ın ko`rsetip berdi. «Anglichan milliy xarakteri nemislerdikinen de, sonday aq frantsuzlardikinen de keskin parıqlanadı», dep jazadı ol. Bizge belgili xarakterdin bar ekenligin biykar etiwshi ayırım avtorlar rus, ukrain, armyanlar ha`m nemis, frantsuzlar bir-birinen parıq etiwshi o`zgesheliklerin ko`rsetip berin, deydi. Dıkkat penen u`yreniw ha`m tekseriw barısında barlıq xalıqlardın milliy xarakterinde bir-birinen ajıratıwshı o`zgeshelikler bar ekenligin bilip alıwg`a boladı. Milliy xarakterdegi bul ayrıqshalıqtı ha`tteki ku`ndelik turmısta da ko`plep ushıratamız. Millet xarakterinin reallıg`ın qorg`awshı avtorlar sonday bir epizodtı ko`z aldına keltiriwdi usınıs etedi. Eger vagon kupesine eki biytanıs anglichan minip qalsa, olar saparlarının aqırına shekem bir-biri menen jaqınnan sa`wbetlespey, ha`tteki bir awız so`ylespey de keliwi mu`mkin deydi. … O`zbekler. Kerisinshe bir-biri menen jaqınnan tanısıp, pu`tin o`mirin bilip u`lgeredi. Xalıqlardın ha`r tu`rli xarakter belgilerine iye bolıwı olardın ja`miyetlik-ekonomikalıq ta`jiriybesi tariyxıy rawajlanıwı ha`m ta`biyiy jasaw sharayatları menen belgilenedi. Bunda sotsiallıq ja`miyetlik qatnasıqlar milliy xarakterdin qa`liplesiwinde jetekshi rol` oynaydı. Ha`r bir tariyxıy da`wir sol da`wirdegi ja`miyetlik rawajlanıw nızamları tiykarında milliy ideologiya ma`plerine sa`ykes bolıp tu`setug`ın o`z milliy xarakter idealın jaratadı. Sol da`wirdegi xarakter tipii adamlardın jasaw ta`rizin sa`wlelendiredi.

Xalıqtın` pu`tin tariyxı dawamında alg`an ha`r bir xarakter belgilerinin ju`zege keliwi adamlar ruwxına a`tiraptag`ı haqıyqatlıqtın uzaq waqıt ta`sir etip turıwı menen baylanıslı. Milliy xarakterge qanday ruwxıy qa`siyet ha`m klasslardı kirgiziwge boladı.

Sonı aytıw kerek, " Milliy xarakter" tu`sinigi haqqında ele de ulıwma bolg`an birdey ko`z qaras bolmasa da biraq og`an kiriwshi belgiler haqqında ulıwma birdey bolg`an pikirler bar. Ko`plegen izertlewshiler milliy xarakterga, miynetke qatnas(miynetsu`ygishlik), watanparvarlıq, erkinlik su`yiwshi, da`wju`reklik, a`skerlik sıyaqlı belgilerdi kirgizedi.

Bizin pikirimizshe joqarıdag`ı belgiler ha`m sıpatlar menen bir qatarda milliy xarakter quramına ja`ne millettin tatıw du`zilisi basqa xalıqlarg`a bolg`an mu`nasebeti ha`m sol millet wa`killerinin o`z-ara mu`na`sebetlerin belgilewshi o`zgeshelikler de kiredi.

Milliy xarakter ha`m etnikalıq psixologiyani u`yreniwshilerdin qarsılasları milliy xarakterdegi keltirilgen belgilerdin qaysısı bazı bir xalıqta ushıraspaydıw, dep soraydı. Milliy xarakterdi u`yreniwdegi qıyınshılıq ta mine usında. Rasında da, xarakterdin qaysı bir belgisin alıp ko`rmeyik, a`lbette ol barlıq xalıqlarda ha`m milletlerde bar ekenligin ko`remiz. Ma`selen, erkinlikti su`yiw, da`wju`reklik, miynetsu`ygishlik, watansu`ygishlik sıyaqlı belgiler barlıq xalıqlarg`a ta`n bolg`an qa`siyet bolıw menen birge, bul qa`siyetler o`zinin ko`riniwi ta`repinen, du`zilisi ta`repinen barlıq xalıqlarda birdey keshpeydi. Sebebi, xarakter belgilerin keltirip shıg`arıwshı jasaw ta`rizi, tariyxıy rawajlanıw ha`m iskerlik sharayatları birdey bolmag`anlıg`ı sebepli, joqarıdag`ı xarakter belgilerinin ko`riniwi de olarda birdey bola almaydı. Kavkazdag`ı tawlı xalıqlardın turmısın ha`m jasaw sharayatın u`yrengen izertlewshilerdin barlıg`ı bir dawıstan olarda a`skeriylik, hu`kimdarlıq belgilerinin ku`shli ekenligin tastıyıqladı.

Olardın bul xarakteri, dep jazadı R.Ch. Chomaev,-taw xalıqlarının ta`shwishli ha`m qa`wip-qa`terge tolı o`mirinin na`tiyjesi bolıp, og`an maslasıwg`a za`ru`rligi na`tiyjesi boladı. Sırtqı ta`sirlerdin pu`tin kompleksi taw sharayatının awırlıg`ınan tartıp, jawıngerlik qaharmanlıg`ına shekem, besiktegi ha`yyiwden baslap, epik xalıq da`stanlarına shekem o`z erki ha`m azatlıg`ın saqlap qalıw ushın ma`rtlik, qaharmanlıq ha`m batırlıqtı ta`rbiyalawg`a qaratılg`an edi.

Miynetsu`ygishliktin barlıq xalıqqa ta`n pazıylet ekenligine sheek keltirmeymiz. Biraq, sonın menen birge ja`miyettin sotsiallıq-ekonomikalıq du`zilisi, geografiyalıq ıqlım sharayatı, xalıq ta`repinen miynetsu`ygishlik barlıq xalıqlarda birdey ko`riniste bola bermeydi. Bizge belgili, Gollandiya kishkene g`ana maydang`a iye. Maydanı Moskva oblastının territoriyasınan kishi. Biraq usı ma`mleket pu`tin Rossiyanı bag`atug`ın awıl xojalıq o`nimin islep shıg`aradı eken. Sebebi, Gollandiya xalqı ta`biyiy – geografilıq sharayatına qaray, teniz a`tirapındag`ı batpaq ha`m taslaq jerlerdi o`zlestirip, o`nimdar jerge aylandırıw ushın awır sharayatlarda jumıs isledi.

Na`tiyjede olarda tırısqaqlıq ha`m shıdamlılıq penen miynet etetug`ın adamlarg`a mehir-muhabbat penen qaraw qa`liplesken. Sem`yada o`z perzentlerin usı ruxta ta`rbiyalawg`a ha`reketetedi eken. Bala sa`l-pa`l ga`pti tu`sinetug`ın bolg`anda, anası onın alaqanın ashıp ondag`ı iyrek-iyrek sızıqlardı ko`rsetip: M-men - adam: W-work-miynet, adam miynet penen tuwıladı, dep tu`sindiredi eken.

Qa`dirdan ha`m talantlı shayırımız A.Oripov o`zbek diyxanının usı qa`siyetlerin «Saratan» qosıg`ında bılay su`wretleydi:

Xali tong gunchasi ochmasidan lab,

Naxor farogatin uylamay takir,

Kimsasiz dalaga kuzin ukalab,

Chikib ketganingni kurdim-ku axir.

Kurdimki, manglaying ter bilan kotib,

Beraxm otashga berganingni tob.

Kurdim-ku, tepangda uzin yukotib,

Xayratdan lol kotib kolganin oftob.

Mening dexkon bobom, andak orom ol,

Kuyosh buroviga olgan palla bu,

Saraton uzi xam mudraydi, bexol,

Oxangsiz yalla bu, suzsiz alla bu.

Ha`r bir xalıqtın miynetsu`ygishligi ha`r qıylı ko`riniste boladı. Mısalı, o`zbekler de, qazaqlar da ekewide miynetkesh xalıq. Biraq olardın miynetsu`ygishligi miynettin ha`r tu`rli tarawlarında ha`r tu`rli ko`riniste boladı. O`zbeklerde diyxanshılıq, bag`shılıq penen shug`ıllınıw barısında ko`rinse, qazaqlarda sharwashılıq penen baylanıslı bolg`an miynette ko`rinedi.

Birneshe jıllar barısında o`zbek xalqı diyxanshılıq penen shug`ıllanıp kelgen – Jerge bolg`an qatnası ıqtıyatlıq, u`nemgershilik penen qatnasta bolıw o`zgeshelikleri ju`zege kelgen. Bizin ata-babalarımız birneshe a`sirler awır sharayatlarda qıyınshılıq penen paxta jetistirip kelgen. Tiykarg`ı miynet qol ku`shi menen islenetug`ın sol zamanlarda, bul na`zik ha`m jıldın 8-9 ayı dawamında turaqlı mashaqatlı miynetti talap etetug`ın bul o`simlik diyxanlardan ha`m onın sem`ya ag`zalarınan az ter to`giwdi talap etken deysizbe?

Bunnan basqa ele ta`biyattın qu`diretli ku`shleri aldında a`zzi bolg`an jeke xojalıq penen is alıp barıwshı diyxan, ta`biyattın ha`r tu`rli ınjıqlıqlarına qarsı gu`resiwge ma`jbu`r bolg`an. Paxtakesh ha`m bag`ban diyxandı ko`binese ba`ha`rgi suw tasqınları yamasa suwsızlıq ha`m qurg`aqshılıq azapları qıynag`an. Baba diyxan awır mashaqatlı miynet etip, manlay teri menen o`z jerin suwg`arıp, o`nim alıwg`a, bag`lar jaratıwg`a tırısqan. Suw - payg`ambar, jer – a`wlie bolg`an sol da`wirlerde diyxan saratannın jaziyrama ıssıların, gu`zdin suwıq ızg`ırınların pisent qılmay, ha`r bir qarıs jerdi zor mehir menen islegen. Ha`r bir g`o`rekti a`lpeshlep saqlag`an, ha`r bir terekti ko`z qarashıg`ınday saqlag`an. Mine usılardın ha`mmesi a`wladtan-a`wladqa o`tip, olarda mashaqatlı miynet etiw a`detke aylanıp, miynetkeshlik, awır sharayatlarda da ruwxı tu`spesten isley alıw, baw-bag`lardı su`yiw, o`mir tiregi – suwdı qa`dirlew sıyaqlı o`zgeshelikler o`zbek xalqına ta`n xarakter belgisi bolıp qalg`an.

Qazaqlardın miynetsu`ygishligi bolsa, sharwashılıqta islenetug`ın miynette, sharwa malların a`lpeshlep bag`ıwda ko`ringen. Olar bag`ıw ushın qolay ha`m qolaysız jaylawlardı tabıwda mallar jeytug`ın sho`plerdin o`zgesheligin ajıratıwda sheber boladı.

Bul mısallardan ko`rinip turg`anınday, ha`r bir millettin miynetsu`ygishligi, olar turaqlı shug`ıllanatug`ın miynet tu`rlerinde ko`rinedi. Sonın ushın qazaq xalqın diyxanshılıq penen turaqlı shug`ıllanbag`anlıg`ı ushın jalqaw dep ayta almayiız. Kerisinshe, o`zbeklerdin sharwashılıqtag`ı salıstırmalı «uqıpsızlıg`ı» ushın olardı da miynetsu`ygish emes dewge bolmaydı. Milliy xarakterdi ulıwmalastırıp jiberiw, a`lbette, nadurıs. Basqa xalıqlarda ha`m milletlerde ushıraspaytug`ın, tek bir xalıqqa g`ana ta`n bolg`an sap milliy xarakter ulıwma ta`biyatta ushıramaydı.

Ha`r bir xalıq barlıq o`zgeshelikleri menen alıng`anda g`ana ol biyta`kirar bolıp ko`riniwi mu`mkin. …onın ha`r bir etnik qa`siyeti o`z aldına alıp ko`rilse, ulıwma tabılmas qa`siyet bolmaydı. . Milliy xarakter problemasın u`yreniwdegi qıyınshılıq ha`m aljasıqlar, dep ko`rsetedi İ.S.Kon, ko`binese dialektikadagi ulıwmalıq ha`m jeke qa`siyet, ulıwmalıq ha`m o`z aldına jekelikti tu`sinbewshilikten kelip shıg`adı. Onın durıs aytıwınsha, milliy xarakterdin ol yamasa bul qa`siyetin ko`rsetkende a`lbette ol salıstırmalı u`yreniliwi kerek. «Rus milliy xarakterine arnag`an miynetlerinde, dep jazadı İ.Kon, - ko`binese olarda emotsional shıdamlılıq dep atalg`an qa`siyet ko`rsetiledi. Eger italyanlar menen salıstırg`anda durıs, qosılaman, biraq tek finler yamasa estonlar menen salıstırg`anda emes.»

A`lbette, rus xalqına ta`n bolg`an milliy xarakter belgiler joq emes. Rossiyanın ken jerleri, ayırım basqa ma`mleketlerde bolg`anınday, siyasiy ıdırawdın joqlıg`ı, xojalıq rawajlanıwının o`zine ta`n o`zgesheliklerinin barlıg`ı, Gertsen aytqanınday, «waqtı xoshlıqtı jaqsı ko`retug`ın, bawırı ken» rus adamın, jeke xojalıqtı ju`rgiziw qolınan kelmegen, bir japıraq jerge jabısıp alg`an rus diyxanın jarattı.

Kerisinshe, o`zbek xalqı xarakterinde bir qarıs jerge jabısıp alıw «kindik qanı tamg`an jerdi taslap ketpew» o`zgesheligi bar. Bul xarakter o`zgesheliklerinin ju`zege keliwi o`zbek xalqının tariyxıy rawajlanıwındag`ı o`zine ta`n o`zgeshelikler menen baylanıslı. Ma`selen, Oraylıq Aziya, sonın ishinde, ha`zirgi O`zbekstan aymag`ında bar bolg`an birneshe feodal ma`mleketler, patshalıqlardın siyasiy-ekonomikalıq ta`repten bo`lshekleniwi, olar arasındag`ı tez-tez bolıp turatug`ın qanlı soqlıg`ısıwlar, xojalıq ju`rgiziwdegi patriarxal usıllardın bolıwı, urıw-aymaqshılıq, u`rp-a`detlerdin saqlanıp qalıwı ha`m aqırında diyxanshılıq etiw ushın suwg`arılatug`ın jaramlı jerlerdin sheklengenligi sıyaqlı faktorlar, o`zbek xalqı xarakterindegi qa`siyetlerdi ju`zege keltirip shıg`ardı.

O`zbek sem`yalarında birneshe a`wladtın wa`killeri(ha`tte 3-4 a`wlad) bir-birinen ajıramag`an halda birgelikte bir ha`wlide, bir ma`ha`llede jasap kelgen. Sonın ushın aldınları bar bolg`an u`lken sem`ya ishinde, bir neshea`wlad wa`killer jasag`anlıg`ın ushırıtıwımız mu`mkin. Sem`ya basshısı bolg`an Ata ulların u`ylendirgennen keyin ko`p waqıtqa shekem olardı o`z aldına shıg`arıp jibermegen.

Jana sem`ya qurg`an ul perzent, u`lken xojalıq basshısı bolg`an ata qol astında islep, xojalıq ju`rgiziwde og`an ja`rdem bergen. Jana xojalıq ata-ana bawırınan ajıralıp, bo`lek shıqqanda da olardın xojalıg`ı ushın ata jaqın jerden jer satıp alıp Bergen, yamasa o`z jerinen u`y qurıw ushın jer ajıratıp Bergen. Jana xojalıqtın ku`ndelikli kerekli zatları ushın za`ru`r bolg`an u`y buyımların ajıratıp bergen. Biraq sonda da ata o`z jerinin bo`lsheklerin ketiwine jol qoymag`an, ul bala onın qol astında, onın jerinde islegen, xojalıq ju`rgiziwde atag`a ja`rdem bergen. Bunın ma`nisi nede, ne ushın Orta Aziya xalıqlarında, sonın ishinde diyxanshılıq penen shug`ıllanıwshı xalıqlardı patriarxal qarım-qatnaslar sem`ya ha`m xojalıq ju`rgiziw tarawlarında salıstırmalı uzaq waqıt saqlanıp turdıw

Bizge belgili, suwg`arıp diyxanshılıq penen shug`ıllanıwshı xalıqlarda, a`sirese Orta Aziya sharayatında jer ju`da` u`lken ekonomikalıq a`hmiyetke iye bolg`an. №ısı-jazı ko`p ku`sh penen islewdi talap etetug`ın sharayatta, isshi ku`shleri ha`m jerdin bo`lsheklenip ketiwi, jerdi islew, hasıl alıwdı birqansha qıyınlastırıp jibergen bolar edi. Sonın ushın da O`zbekstannın otırıqlı xalıqlarında u`sh-to`rt a`wlad wa`killerin o`zine birlestirgen sem`yalar ko`p bolg`an. Perzentler shanaraq basshısı qol astında og`an ekonomikalıq ta`repten bag`ınıshlı bolg`an. Ata yamasa shanaraqtag`ı u`lken ul perzent usı shanaraq basshısı bolg`an. Onın so`zi, pikiri shanaraqtın basqa ag`zaları ushın nızam da`rejesinde bolg`an.

Xojalıq ju`rgiziwde bunday patriarxal uklad ha`kim bolg`an xalıqlardın derlik ha`mmesinde shanaraq basshısın, u`lkenlerdi hu`rmetlew, olardın aytqanların so`zsiz orınlaw a`det tu`sine kirgen ha`m sonınan ol bekkemlenip xalıqtın xarakter belgisine aylang`an.

Shanaraqtın o`z-ara qarım-qatnasında belgili jas topardag`ı ha`r bir adam a`lbette o`zinen u`lken jastag`ı adamlarg`a sıyıng`an, olarg`a hu`rmet ko`rsetken. Bul a`lbette iri shanaraqlardın birlesip jasaw za`ru`rligi bar bolg`an sharayatlarda olardın bo`leklenip ketpewi ushın u`lken a`hmiyetke İy bolg`an. Bunnan tısqarı o`zbeklerde ag`a-iniler yamasa qarındas-urıwlar arasında g`ana emes, sonday-aq qonsı-qobalar menen de jaqsı qarım-qatnasta, o`z-ara ja`rdem ha`m g`amxorlıq ko`rsetiw sıyaqlı qa`siyetler de rawajlang`an.

A`yyemgi waqıtlardan aq bir urıw yamasa a`wladlar bir ma`ha`lle yamasa pu`tin bir awılda jasag`an. Kemnen kem jag`daylarda g`ana basqa urıw yamasa a`wlad wa`killeri biytanıs jerlerge ko`ship barg`an. Ha`zir de ko`plegen awıllarda ma`ha`lle ag`ayin-urıwshılıq tiykarında qa`liplesedi. Demek, jan qonsı bir waqıtta sizin ag`ayininiz boladı. Sonın ushın qa`dimgi waqıtlardan aq bir shanaraqta awqat pisirilse, a`lbette, qonsıg`a, ag`ayinge aparıp berilgen. Qonsın jaqsı ku`ninde de, awır ku`ninde de birinshi bolıp jaqın qonsı xızmet etedi. Sonın ushın da bizde qonsı haqqında jaqsı maqallar jaratılg`an «Jay alma, qonsı al», Alıstag`ı ag`ayinnen jaqındag`ı qonsın jaqsı», «Jaqın qonsı - jan qonsı» h.t.b.

Qonsı-qoba, ma`ha`lle ha`m awıllaslardın bunday bir-birin qollap-quwatlawı, bir-birinin ar-namısın qorg`awı adamlardın uzaq waqıt dawamında birgelikte jasap keliwi, ma`ha`lle, awıl xalqının bir-birine ag`ayin-urıwshılıq jipleri menen baylang`anlıg`ı na`tiyjesi boladı.

Milliy xarakterdi xalıq o`zinde sa`wlelendiredi. Biraq millet xarakteri ayırım shaxslar xarakterinin jıynag`ı emes. Ol ulıwmalıq ku`sh sıpatında, individual xarakterlerdin ulıwma bolg`an qa`siyetleri ja`miyetlik ta`repten qayta islenip, jana arnawlı sıpatqa aylang`an waqıtta ko`riniske iye boladı. Mısalı, xor dawısı xor qatnasıwshısının dawısına uqsamag`anday, milliy xarakteri de bazı bir millet wa`kilinin xarakterine uqsamaydı yamasa millet xarakteri hesh bir millet wa`kilin tolıq sa`wlelendirmeydi.

Milliy xarakter o`zgermes, turaqlı turg`an na`rse de emes. Ol tariyx o`nimi. Sonın ushın da onı ju`zege keltirgen tariyxıy ja`miyetlik ekonomikalıq sharayatlardın o`zgeriwi menen ol da belgili da`rejede o`zgeredi, ha`tte bir ja`miyetlik sistemanın o`zinde de ol ayırım belgilerdi(qa`siyetlerdi) payda etip turıwı mu`mkin.

"X1X a`sir baslarında, dep jazadı İ.Kon, - nemislerdi a`meliy xızmetke jaramsız, tek filosofiyag`a, muzıka ha`m kewilxoshlıqqa meyil bolg`an, texnikanı u`yreniwge uqıpsız, kemha`reket xalıq, dep esaplag`an (bul pikirge olardın o`zleri de qosılg`an). Germaniyada sanaat awdarıspag`ı bolıwı menen, bul stereotip tu`sinik isenimsiz anorxizmge aylanıp qaldı.»

Biraq bunnan sotsial-ekonomikalıq o`zgerisler milliy xarakterdin barlıq qa`siyetlerin o`zgertip jiberedi, degen juwmaq shıqpaydı. Onın ayırım qa`siyetleri salıstırmalı turaqlı bolıp, jana ja`miyetlik sharayatlarda da ol o`z a`hmiyetin jog`altpaydı. Keyingi a`wladlarg`a o`tiwi, a`wladlardın materiallıq ha`m ma`deniy miyrasın o`zlestirip alıwı ushın xızmet etedi. Tariyx – a`wladlardın birinin ornına ekinshisinin keliwinen ibarat, olardın ha`r biri da`slepki barlıq a`wladlardın qaldırg`an materiallarınan, islep shıg`arıwshı ku`shlerden paydalanadı. Milliy o`zgeshelikler ulıwmainsanlıq qa`diriyatlar menen baylanısıp ketken.

Miliy xarakter ulıwmakelbetlik o`zgesheliklerge qarsı bolmaydı. Sonın ushın da onı basqa millet ha`m elatlar xarakterinen ajıratıp qoyıw mu`mkin emes. Ha`r bir xalıq basqa xalıq penen jaqın ja`miyetlik-ekonomikalıq ha`m ma`deniy qatnaslarg`a kiriskende onnan o`zinde joq na`rselerdi aladı ha`m o`zinen olarda bolmag`an na`rselerdi beredi.

Biraq basqa xalıqlardan alıng`an bul xarakter belgiler millet a`killeri ta`repinen o`zlestirilgende, tap sonday o`zgerissiz ko`shirme almay, o`zine ta`n milliy anlaitpanı aladı.

SORAwLAR.

1. 
   Milliy xarakterni u`yreniw ushın nelerdi biliw kerekw
   
2. 
   Milliy xarakterdi qa`liplestiriwge neler ta`sir etedi w
   
3. 
   Miliy xarakterge kiriwshi o`zgesheliklerdi sanap ko`rsetin w
   
4. 
   Ne ushın «miymandoslıqtı» tek bir milletke ta`n qa`siyet dey almaymızw
   

TAYaNISh SO`ZLER .

Miliy xarakter, milliy talg`am, milliy sana, milliy rux, etnopsixologiya, etnos, ka`diriyat, da`stu`r, xalık ruwxı.

A`DEBİYaTLAR.

1. İ. Jabborov. Uzbek xalk etnografiyasi . T. 1994 y.

2. X. Alimov. Milliylik ijtimoiy ruxiyat. T. 1992 y.

3.M. Mamatov. Milliy psixologik kiyofa va uning o`zgeshelikleri.

4.E. Goziev. Muomila psixologiyasi T .2001 y.