Reja: Huquqning tushunchasi va mohiyati Huquqni tushunishning umumiy masalalari va ularning amaliy faoliyat uchun ahamiyati Huquqqa "normativ" yondashuv qonuniylik

7-mavzu: Huquq tushunchasi, belgilari, mohiyati va prinsiplari
Reja:
1. Huquqning tushunchasi va mohiyati

2. Huquqni tushunishning umumiy masalalari va ularning amaliy faoliyat uchun ahamiyati

3. Huquqqa "normativ" yondashuv - qonuniylik va barqarorlikni ta`minlash vositasi sifatida

4. Huquqqa "sotsiologik" yondashuv - ijtimoiy hayotning o`sishini ta`minlash vositasi

5. Huquq haqida ta`limotlar
Tayanch iboralar: huquq, ijtimoiy normalar, davlatnng majburlash imkoniyati, normativlik, tabiiy huquq, pozitiv huquq, regulyativ funktsiya, kuriklash funktsiyasi, tarbiyalash funktsiyasi, huquq normasi, gipoteza, dispozitsiya, sanktsiya.
1. Huquq tushunchasi va mohiyati

"Huquq" iborasi kundalik hayotimizda ko`p qo`llaniladigan tushuncha bo`lib, "haq", "haqiqat" so`zlaridan olingan. Huquq hozirgi kunda quyidagi ma`nolarda qo`llaniladi: birinchidan, muayyan jismoniy yoki yuridik shaxsning huquqi. Masalan, fuqaro Ahmedovning ilm olish huquqi. Ikkinchidan, huquq hamma uchun majburiy bo`lgan, davlat tomonidan o`rnatilgan va bajarilishi ta`minlangan, muhofaza qilinadigan qoidalar, me`yorlar majmuidir.

Masalan, Fuqarolik kodeksi – mulkiy va shaxsiy xususiyatga ega nomulkiy munosabatlarni tartibga soluvchi davlat tomonidan belgilangan, umummajburiy qoida, me`yorlar majmuidir.