Referat ekanomikaliq teoriya pàninen «Bazar ekanomikasiniñ mazmuni hàm àmel etiwi talap hàm usinis teoriyasi»

Qaraqalpaqstan awil xojaligi ham agrotexnologiyalari instituti
Zooinjeneriya fakulteti
Marketing (awil xojalig’i) ta’lim bag’dari

REFERAT
Ekanomikaliq teoriya pàninen
«Bazar ekanomikasiniñ mazmuni hàm àmel etiwi
talap hàm usinis teoriyasi»

Isledi: Narimbetova Shaxnoza

Tekserdi: Abishov Muhammed
Mazmuni

Kirisiw 3
Ekonomika 4
Bazar sisteması. 5
Bazardıń mazmunı, belgileri hám wazıypaları 6
Bazardıń dúzilisi hám klassifikaciyalanıwı. 9
Bazar infrastrukturası hám onıń quramı 11
Talap hám usinis teoriyasí 12
Usınıs túsinigi 14
Bazar teńsalmaqlıǵı 14
Juwmaq 15
Ádebiyatlar 17
Internet saytlari 17

“Ekonomikalıq teoriya – tań qalarlıq ilim, tań qalarlıǵı sonda onıń fundamental principleri júdá ápiwayı hám bir bet qaǵazǵa jaylasıwı mumkin, biraq soǵan qaramastan onı
azǵantay adamlar ǵana túsinedi”.
M.Fridmen

Kirisiw

Qálegen jámiyettiń rawajlanıwı, eń aldı menen insannıń materiallıq talabın qanaatlandırıwdıń tiykarı ekonomika ekenligi hámmege málim. Ullı keleshegimizdi de joqarı rawajlanǵan ekonomikasız kóz aldımızǵa elesletiw oǵada qıyın. Biraqta ekonomika quramalı sistema bolıp, onıń kóp túrli qırları hám ózinin rawajlanıw nızamları bar. Olardı túsinbey hám ekonomikalıq nızamlardıń talapların ámelde itibarǵa almay turıp hesh bir tarawda jaqsı nátiyjege erisiw múmkin emes. Mine sonlıqtan da házirgi ekonomikanı modernizaciyalaw dáwirinde qánigelerdi, ásirese joqarı maǵlıwmatlı qánigelerdi tayarlawdıń sapasın arttırıwda jámiyetimizde ekonomikalıq pánlerdi, sonıń ishinde ekonomikalıq teoriyanı úyreniwge umtılıw kúsheymekte. Sebebi insan qaysı tarawdıń qánegisi bolıwına qaramastan, ózi jasap atırǵan jámiyettiń ekonomikalıq turmısında bolıp atırǵan jańalanıwlar menen ózgerislerdi ańlap jetiwi , onı biliwi ushın ekonomikalıq bilimler menen qurallanǵan bolıwı kerek. Álbette bunda ekonomikalıq teoriya pániniń tutqan ornı ayrıqsha. Bul pándi úyreniw arqalı ekonomikada kúndelikli tárizde júz berip atırǵan jańalanıwlardı ańlap, onıń rawajlanıw nızamlıqlarınan turmıs mútájliklerin qanaatlandırıw jolında keńnen paydalanıwı múmkin.
Ekonomikalıq teoriya páni mámlekettiń ekonomikalıq siyasatın belgilep beriw menen birge, házirgi ekonomikanı erkinlestiriw sharayatında jaslarımızdıń ekonomikalıq bilimge qızıǵıwshılıǵın qánaatlandıratuǵın tiykarǵı teoriyalıq pán esaplanadı.
Joqarıda keltirilgenlerdi, sonday-aq jańa áwlad lekciya tekstlerin jaratıw hám olardı joqarı bilimlendiriw sistemasına keńnen engiziw, joqarı oqıw orınlarınıń málimleme resurs oraylarınıń fondın jańalap barıw maqsetinde ekonomikalıq teoriya páni boyınsha joqarı oqıw orınlarınıń ekonomikalıq tálim baǵdarları studentlerin ushın bul lekciya tekstleri jaratıldı.

Ekonomika

Ekonomikalıq teoriya páni student jaslardı ekonomikalıq pikirlewge úyrenitiwde házirgi zaman bazar ekonomikasındaǵı ózgerislerdi ańlap jetiwde hám onı túsindiriwde, olardıń sanasına milliy ǵárezsizlik ideyasın hám milliy ideologiyanıń tiykarǵı qaǵıydaların sińdiriwde, ekonomikanı modernizaciyalaw, erkinlestiriw hám reformalardı tereńlestiriw tiykarında házirgi zaman rawajlanǵan bazar ekonomikasın júzege keltiriwdiń aktual mashqalaların ashıp beriwde, ekonomikalıq qatnasıqlar haqqında ámeliy kónlikpeler payda etiwde, jas áwladta jaratıwshańlıq ideyaların qáliplestiriwde, olardıń mádeniy dúnya kóz-qarasın keńeytiwde, ekonomikalıq mádeniyatın kóteriwge ayrıqsha tásir kórsetiwde, Watan hám elimiz keleshegi jolında miynet etiw tuyǵısın qáliplestiriw sıyaqlı wazıypalardı orınlap kelmekte.