Rahbar xodimlarga chet tilini o`qitish metodlari va yondashuvlar

RAHBAR XODIMLARGA CHET TILINI O`QITISH METODLARI VA YONDASHUVLAR
Fayziyeva Mavluda Xudayorovna.
Qarshi Davlat Universiteti Psixologiya fanlar nomzodi,dotsent.
Qurbonov Jaloliddin Safarovich
TerDUPI pedagogika va psixologiya
1-kurs magistranti.
[e-mail]
[phone]
Annotatsiya: Ushbu maqolada O`zbekistondagi rahbar xodimlar chet tillarini bilishning dolzarbligi kasbiy faoliyatida qo`llash ahamiyati yoritiladi. Chet tillarini o'qitishga zamonaviy yondashuvlar hamda chet tillarini o`qitish metodlari ko`rib chiqiladi.
Kalit so'zlar: rahbar kompetensiyasi, aloqa vositalari, kommunikativ kompetensiyalar.
Abstract: This article discusses the importance of applying the knowledge of foreign languages in the professional activities of executives in Uzbekistan. Modern approaches to foreign language teaching and methods of teaching foreign languages are considered.
Keywords: managerial competence, means of communication, communicative competencies.
Аннотация: В данной статье рассматривается важность применения знаний иностранных языков в профессиональной деятельности руководителей Узбекистана. Рассмотрены современные подходы к обучению иностранному языку и методика обучения иностранным языкам.
Ключевые слова: управленческая компетентность, средства коммуникации, коммуникативные компетенции.


O’zbekiston Respublikasining so`nggi yillarda xalqaro munosabatlari kengaytirayotgan hozirgi islohotlar davrida xorijiy tillarni o’rgatish hamda o’rganish masalalari zamonaviy yondashuv va yechimlar orqali hal etilishi bilan yuqori samaradorlikga erishish masalasi muhim ahamiyatga egadir. Rivojlangan davlatlar orasidan o’ziga munosib o’rin egallashga intilayotgan mamlakatimiz uchun xorijlik sheriklarimiz bilan hamjihatlikda, hamkorlikdagi faoliyatida xorijiy tillarni mukammal biladigan rahbar xodimlar va tashkilotchi yetakchilarning roli ahamiyatlidir.So`nggi yillarda xorijiy tillarni sifatli o’rganish va o’rgatish jarayonlariga Respublikamiz miqyosida katta ahamiyat berilmoqda. Mustaqil respublikamiz jahon hamjamiyatida alohida o’z o’rniga ega bo’layotgan va xalqaro aloqalar, savdo-sotiq, sayyohlik, mamlakatlar o’rtasida madaniy aloqalar rivojlanib, mustahkamlanib borayotgan bir paytda uning kelajagini yaratuvchi yoshlarga ingliz tilini mukammal o’rgatish va xorijliklar bilan suhbatlashish davomida o’ziga tegishli masalalarni erkin muhokama qilish, umuman og’zaki va yozma shaklda muloqot qilish metodikasining eng muhim vazifalaridandir.¹
Chet tillarini bilish nafaqat fiologlar uchun, balki barcha odamlar uchun shu qatori rahbar xodimlar uchun ham hamisha dolzarbdir.Dunyo tobora globallashib borayotgani va chet tillarini bilish zamon talabi bo'lib bormoqda. Chet tillarni o'rganish, boshqalar bilan qanday qilib chinakam muloqot qilish va ular bilan bog'lanishni o'rganishga qaratilgan hayotiy ko'nikma malakali rahbarlar faoliyati samaradorligini oshiradi.
Bugungi kunda rahbar xodimlar o`z faoliyatida muvafaqiyat qozonishi uchun hozirgi shiddatli zamonda har tomonlama yetuk shaxs bo`lishi kerak. Dunyo globallashdi, shuning uchun ingliz tilini bilish har qanday o'sib borayotgan va rivojlanayotgan biznes uchun majburiydir. Zero,innovatsiyalar,yangi texnologiyalar hamda chet el tajribasi asosida ish yuritish usul va uslublari keng tarqalayotgan bu davrda rahbarlarning chet tilini bilishi yangiliklarni oson qabul qilib o`z faoliyatida targ`ib qia olish imkoniyatini beradi. Chet tillarni o'rganish, boshqa millat vakillari bilan vositalarsiz muloqot qilish va ular bilan bog'lanishni o'rganishga qaratilgan hayotiy ko'nikma. Haqiqatdan ham inson qancha ko’p til bilsa imkoniyatlar eshigi keng ochiladi.Respublikamizda chet tilining ijtimoiy ahamiyati tobora ortib borayotganligi ingliz tilini mukammal biluvchi mutaxassislar zarurligi, talabalarning qaysi mutaxassislik bo’yicha o’qishidan qat’iy nazar chet tilini puxta egallashini taqozo etmoqda. Shu maqsaddan kelib chiqqan holda, chet tilini o’rgatish talabi o’z oldimizga fikrini xorijiy tilida og’zaki va yozma tarzda erkin ifodalab bera oladigan, nutq hamda muloqot madaniyati rivojlangan savodxon yoshlarni kamol toptirish vazifasini qo’yadi. Chet tillarini yaxshi bilgan rahbarlarning imkoniyatlari hamda dunyoqarashlari boshqa chet tili kompetensiyasiga ega bo`lmagan rahbar xodimlardan keskin farq qiladi. Aytish joizki, mamlakatimizda horijiy tillarni o’rganishga katta ahamiyat qaratilmoqda.Bunda rahbarning kommunikativ kompetensiyalari samaradorligi oshadi.