Prognozlashtirish va makroiqtisodiy tadqiqotlar instituti ekspertlari tomonidan hududlarning iqtisodiy rivojlanganligi indeksi ishlab chiqildi

✅ Prognozlashtirish va makroiqtisodiy tadqiqotlar instituti ekspertlari tomonidan hududlarning iqtisodiy rivojlanganligi indeksi ishlab chiqildi.

Indeksning davriyligi yilning har bir choragiga va yil yakuni bo’yicha hisoblanib, mamlakatimiz hududlari kesimida 5 bosqichda amalga oshiriladi.
📝 Ushbu uslubiyot yordamida 2021 yil yanvar-dekabr oylarining rasmiy statistik koʼrsatkichlari asosida (hududlar kesimida aholi jon boshiga toʼgʼri keladigan YHM, sanoat, qishloq xoʼjaligi, xizmatlar, investitsiyalar, eksport) tahlili amalga oshirildi.
📈 Natijada Oʼzbekiston hududlarining iqtisodiy rivojlanganlik darajasi indeksi aniqlanib, ular 4 guruhga boʼlindi:
I-guruhga, yaʼni, yuqori darajada rivojlangan hududlarga Toshkent shahri va Navoiy viloyati joy oldi;
II-guruhga, yaʼni, yaxshi rivojlangan hududlarga Sirdaryo, Toshkent va Buxoro viloyatlari kirdi.
III-guruh, oʼrta rivojlangan hududlarga Аndijon, Jizzax, Xorazm va Samarqand viloyatlari joylashdi.
IV-guruh, iqtisodiyoti nisbatan past darajada rivojlangan hududlar Qoraqalpogʼiston Respublikasi, Fargʼona, Namangan, Qashqadaryo, Surxondaryo viloyatlarini tashkil etdi
🔍 Taʼkidlab oʼtish joizki aholi jon boshiga toʼgʼri keladigan YHM, sanoat, xizmatlar sohasi, investitsiyalar va eksport koʼrsatkichlari boʼyicha Surxondaryo viloyati Toshkent shahriga nisbatan iqtisodiy rivojlanganlik darajasi 5,1 marta kam.
🏢Mazkur таҳлилий malumotdan iqtisodiyot sohasidagi vazirlik va idoralarning hududiy boʼlinmalari, mahalliy hokimliklar vakillari hamda hududiy iqtisodiyot yoʼnalishida ilmiy va amaliy faoliyat olib borayotgan iqtisodchilar foydalanishi mumkin.